Wednesday, October 13, 2010

လှသော အရှုံး


အခုဒီကဗျာစပ်ပြီးရင်
ငါ့လို ငါ့လို ငါ့လိုဆိုပြီး
ကိုယ့်ကိုယ်ကို မာန်အပြည့်နဲ့ မှန်ထဲ ပြန်ပြန်မကြည့်တော့ဘူး
ငါဟာ သာမန်ပဲဆိုတာ သေချာသွားလို့
အခုဒီကဗျာစပ်ပြီးရင်
ငါသိ ငါတတ် ငါတော် အတွေးတွေနဲ့
ညဉ်းပန်းနှိပ်စက်မှုကို မခံရတော့ဘူး
ငါ ဘာကိုမှ သိပ်မသိတာ သေချာသွားလို့
အခုဒီကဗျာစပ်ပြီးရင်
ငါမှန်တယ်ဆိုတာ ငါပဲသိတယ်လို့
မဝရေစာနဲ့ ကိုယ့်ကိုယ်ကို မမွေးမြူတော့ဘူး
အမှန်ကို ထောင့်မျိုးစုံက လှည့်တွေးနိုင်တယ်ဆိုတာ သေချာသွားလို့
အခုဒီကဗျာစပ်ပြီးရင်
အသိဉာဏ်ချွတ်ချခံထားရတဲ့
ကိုယ်လုံးတီးအတွေးနဲ့ စကားမပြောတော့ဘူး
စကားဓားချက်ဟာ ဘဝပေါင်းများစွာကို သတ်နိုင်တာ သေချာသွားလို့
အခုဒီကဗျာစပ်ပြီးရင်
ရွံ့အထပ်ထပ်နဲ့ ကိုယ့်နာမည်ကို
အရောင်းမြင့်တင်ရေးတွေ မလုပ်ဖြစ်လောက်တော့ဘူး
ဘယ်အရာမှ မတည်မြဲဘူးဆိုတာ သေချာသွားလို့
အခုဒီကဗျာစပ်ပြီးရင်
ဘယ်သူ့ကိုမှ မမုန်းတော့ဘူး
ကိုယ်ချစ်ရင် ကိုယ့်တစ်ယောက်တည်းရှုံးပေမယ့်
ကိုယ်မုန်းရင် နှစ်ယောက်လုံး ရှုံးတာ သေချာသွားလို့။
မွေးနေ့အမှတ်တရစပ်ဖြစ်တဲ့ကဗျာ

ဇရာ


နေ့တွေက ကုန်လွယ်လိုက်တာ
နေ့တာတွေက ရှည်လိုက်တာ
နေ့တွေ ဘယ်လို ကုန်သွားမှန်း မသိဘူး
ဟော ကုန်ပြန်ပြီ တစ်ရက်
ကဲ တစ်နေ့စာတော့ပြီးပြီ
စတာတွေ စတာတွေနဲ့
ကျွန်တော်တို့ မသွားခဲ့ပါဘူး
ဒါပေမယ့် ကျွန်တော်တို့ ရောက်ခဲ့တယ်
သူကလည်း မလာခဲ့ပါဘူး
ဒါပေမယ့် ကျွန်တော်တို့ ဧည့်ခံနေရတယ်
မသိသာလွန်းတော့
ရောက်လို့ ရောက်ခဲ့မှန်း မသိဘူး
လာလို့ လာခဲ့မှန်း မသိဘူး
ဒီလိုနဲ့
ကိုယ့်ရုပ်ကိုယ် မှန်ထဲ ရဲရဲမကြည့်ဝံ့တော့သလို
အသက်ကိုလည်း ရဲရဲမဖြေရဲတော့ဘူး။

အတ္တနဲ့ မလွတ်ကင်းခြင်း


ဟောဒီ ကမ္ဘာလုံးကြီးရဲ့ သေးသေးလေးတစ်နေရာမှာ
မထင်မရှား မှုန်မွှားမွှားလေးအဖြစ်
သင် နင် ငါ ခင်ဗျား နေထိုင်နေပါတယ်
တကယ် မထင်မရှား၊ တကယ်မှုန်မွှားမွှား
ကိုယ့်အိမ်လေးကနေ သွားနေကျ လမ်းအတိုင်း
နေ့စဉ်နေ့တိုင်း ထွက်ထွက်လာပြီး လာခဲ့တဲ့ လမ်းအတိုင်း
အမြဲတမ်း ပြန်ပြန်ခဲ့တာ တစ်နေ့ကို မိုင်တစ်ရာ မပြည့်
တစ်နှစ်မှာ တစ်ခါတော့ မိုင်တစ်ရာကျော် ခဏသွားကြည့်မိတတ်တာမှ အပ
စားနေကျအတိုင်း၊ ဝတ်နေကျအတိုင်း နေ့ရက်များမှာ
တစ်ခါခါ နည်းနည်းလေး ပိုပိုပြင်မိတာကမှ အပ
အားလုံးပုံမှန်ပါပဲ၊ ပုံမှန်ဆိုက်တဲ့ ရထားလို
အချိန်ချိန်နည်းနည်းလေးပဲ တိမ်းစောင်းမိတာမှ အပ
ဟောဒီကမ္ဘာလုံးကြီးထဲမှာနေနေကြတယ်
တစ်ခါခါ လေးထောင့်ကျကျ ကျင့်မိတာမှအပ
တစ်ခါခါ တြိဂံလို ပဉ္စဂံလို ပြောဆိုမိတာမှအပ
ဟောဒီလုံးလုံးကြီးထဲမှာ အသက်ကို ရှုကြတယ်
လမ်းကလေးက လမ်းကလေးမှာပဲ နေတယ်
သစ်ပင်က သစ်ပင်မှာပဲ နေတယ်
အဆောက်အဦတွေက အဆောက်အဦမှာပဲနေတယ်
သင် နင် ငါ ခင်ဗျား အဲဒါလေးတွေနဲ့ အခြားအခြား
နေရာများဆီ နေထိုင်သွားလာ လှုပ်ရှားပြီး
လမ်းရဲ့ ချိုင့်ခွက်များ အကြောင်း
သစ်ပင်ရဲ့ ဓာတ်ကြိုးနဲ့ မလွတ်တဲ့အကြောင်း
အဆောက်အဦရဲ့ အထာမကျတဲ့အကြောင်း
စကားထဲ ထည့်ပြောရင်း ပိုပိုလာတဲ့
ပခုံးချင်းတိုက်မိတဲ့သူရဲ့ အကြောင်း
ဟိုလူ မျက်စိစွေတဲ့ အကြောင်း
ဒီလူ နားမကောင်းတဲ့အကြောင်း
တစ်ပတ်ပြည့်အောင် လှည့်ပြောတယ်
ဟောဒီ ကမ္ဘာကြီးလုံးလုံးထဲမှာနေရင်း
မြင်တာကို မမြင်ချင်ယောင်ဆောင်ရင်း
ကြားတာကို မကြားချင်ယောင်ဆောင်ရင်း
ရှက်တာကို မရှက်ချင်ယောင်ဆောင်ရင်း
ကြောက်တာကို မကြောက်ချင်ယောင်ဆောင်ရင်း
မချစ်တာကိုကျ ချစ်ချင်ယောင်ဆောင်ရင်း
မမုန်းတာကိုကျ မုန်းချင်ယောင်ဆောင်ရင်း
နောက်ကျောထိုးမယ့်ဓားကို ကိုယ်စီဖွက်ထားကြရင်း
ဟောဒီကမ္ဘာကြီးထဲက သင် နင် ငါ ခင်ဗျား
တစ်ယောက်နဲ့ တစ်ယောက် မေးထူးခေါ်ပြောကြတယ်
လူမှုရေးကြောင့်၊ စီးပွားရေးကြောင့်၊ ခမည်းခမက်ကြောင့်
ခံစားနေရတဲ့ ဒုက္ခကို ပြုံးပြနှုတ်ဆက်ကြတယ်
နားချင်းအတူတူဆီ ငြိမ်းချမ်းအကြောင်း
လူကြားကောင်းအောင် ပြောကြတယ်
မျက်လုံးချင်း အတူတူဆီ အောင်မြင်မှုအကြောင်း
လူမြင်ကောင်းအောင် ပြကြတယ်
ငါ့ကို ဘာမှတ်နေလဲ၊ ငါ့အကြောင်းကောင်းကောင်း သိစေရမယ်
ငါ့လို လူငယ်ရှေ့ဆောင်ကို၊ ငါ့လို နိုင်ငံသားကောင်းကိုတဲ့
ကိုယ်အော်နေတာကို ကမ္ဘာကြီး ကြားမကြားထက်
ကိုယ်တိုင် ပြန်မကြားပဲ ဆိုးဆိုးရွားရွားအော်တယ်
ဆွဲအားအပြည့်နဲ့ ကမ္ဘာကြီးထဲနေပြီး
တစ်ပတ်ပြီးတစ်ပတ် လည်ရင်း ပတ်ရင်း
ဖိအားအပြည့်နဲ့ မြေကြီးထဲ နိမ့်ဆင်းနေကြတဲ့
သင် နင် ငါ ခင်ဗျား
နေရထိုင်ရ သင့်တောင့်သက်သာ ရှိပါရဲ့လား။

Sunday, October 3, 2010

……. ဖြည့်ရန်ကျန်ရှိ

နင့်ကို ငါမုန်းတယ်ဆို
တဲ့စကားကို မထစ်မငေါ့ပြော
ဖို့ကြေငြာချက်တစ်ရပ်မထုတ်
ပြန်မီ သင်ပြုံး
သလောက်
သင်ခံ
ရစေမယ်။
မဟုတ်ဘူးဟုတ်
တယ် သံသယဆူးခင်းထဲကိုယ့်မျက်
နှာကို ဖိနပ်လုပ်စီးနင်းခြေ
ဖျက်။
ဘယ်ဒေါက်တိုင်ကပို
ခိုင်မလဲ ညှပ်နေတဲ့စ
ကားများက လမ်းဆုံလမ်း
ခွကျမှ ပို
ပိုမူးဝေအော့
အန်။
နင့်ကိုငါမုန်း
တယ်မှာ ……. ကွက်
လပ်များ
ကျန်။
ကိုယ့်ဘဝမေး
ခွန်းတိုင်းမှာ ဖြည့်စွက်ဖြေဆို
ရန်…….များ…….များ …….များ
ထပ်
တူကျန်ရှိ။
နင့်
ကိုငါ
မုန်း
တယ်မှာ…….ကွက်
လပ်များ
ထပ်မံကျန်
ရှိသော ထပ်တူသံသယမေး
ခွန်း။