Tuesday, August 2, 2011

အယုတ်များကြားမှ အရုပ်များ

လက်သီးနဲ့ မေရိုးကို ခပ်ပြင်းပြင်းထိုးလိုက်လည်း
သူ့မေးရိုးနာရုံပဲ ရှိမှာပါပဲ
ရှေးရိုးတွေ ဆေးထိုးမှားသလိုလို
အမှန်တော့ နဂိုကတည်းက ပိုလီယိုရယ်
သူလို ငါလို မှားတတ်နေကျထဲက
ငါနည်းနည်းပိုမှားပြမယ်ဆိုပြီး ထော့နဲ့ ထော့နဲ့
လောက်ထွက်လာတယ်လို့ ဆိုရင်
အနာရှိသူကို မသိမသာနဲ့ ခပ်နာနာလေး မေးငေါ့
ပြောနေကြတာကတော့ အမျိုးဘာသာ သာသနာပဲ
နိုင်ငံတကာ ရွှေဈေးထက် ဒီစကားက ဈေးတက်မြန်သေး
ဘယ်သွားရမှန်း ဘယ်သွားနေကြမှန်း မသိသလောက်
ဘာပြောလိုက်ရ ဘာကောလိုက်ရတော့ သိပ်တတ်တဲ့သူအချင်းချင်း
မူးတင်း ပဲတင်း သူ့ကို ငါဈေးဆစ် ငါ့ကို သူဈေးဆစ်
ဆီသည် လက်နှီးစုတ်ထက် ဘယ်သူ့ကို ပိုညစ်ပတ်ရမလဲ
နှစ်ထပ်ကွမ်းရ အကယ်ဒမီမျက်နှာကြောတွေနဲ့
ဆိုစမ်ပါဦး ဒီနေ့ ရွှေဈေး၊ ကျောက်ဈေး
မိန်းမရေ... အရှေ့ဈေး၊ အနောက်ဈေး
သားလေး သမီးလေး ကျောင်းကြေး ကျူရှင်ကြေး
ဟိုပြေးဒီပြေး ဘီယာစတေရှင်ပြေး စင်တင်ပြေး
ကာမအရေးတွေ တထွေးကြီးလုံးသီရင်း မောအောင်ပြေး
ကုသိုလ်ရေး ဘယ်လောက်နောင့်နှေး နောင့်နှေး
ဆိုရေးရှိက ဆိုအပ်လှဆိုပြီးပြီးတော့
ပဏာမ ဘုရားရှိခိုး ဂါထာဘယ်လိုမှန်း မသိဖူးပေမယ့်
သာသနာရေးကို လူအထင်ကြီးအောင် ရင်လေးပြ
တစ်လှေလုံးပါလာတဲ့ ငါးတွေလည်း
ဒီပုတ်ထဲက ဒီပဲပါပဲနှင့် အခြား ရင်နာစရာတွေ
မီးလောင်ရာ လေပင့်ကြ
အဆင်းကို ဘီးတပ်ကြ
ကဲပါလေ စကားပြောဖို့ ဗီဇာလျှောက်စရာမလို
အခွန်ဆောင်စရာမလို ပိုပိုသာသာပြောတတ်ဖို့ပဲ လိုတာပဲ
လက်ငင်းကြီး ဓားခုတ်ရာလက်လျှိုတာမှ မဟုတ်ဘဲ
ဘာဖြစ်တော့ကော ဘာအရေးလဲ
အနည်းဆုံး ငါတို့ရဲ့ သားသမီးတွေ
ကိုးကွယ်တဲ့ဘာသာမှာ ထည့်စရာ မရှိတာလောက်ပဲ
ဒါကလည်း ဘာဖြစ်လဲ ။

Tuesday, April 19, 2011

နာတာရှည်ရောဂါသည်

ကိုယ်နေသာ ထိုင်သာရှိဖို့ကိစ္စက
ယုတ်ယုတ်ညံ့ညံ့ စိတ်တစ်ချောင်းနဲ့
ငါ သူတော်ကောင်းပါ
ငါ မင်းလောင်းပါ
သူတပါး ဒဏ်ရာအကြောင်း
ဟောင်းဟောင်းသစ်သစ်
ထပ်ခုတ်ထစ်လိုက်ကြမယ်ပေါ့
လုပ်လိုက်ပါ ရဲဘော်
သင်ဟာ သူတော်ကောင်းပါ မင်းလောင်းပါ
ဟိုအကြောင်း ဒီအကြောင်း ပြောစရာကုန်ရင်
ခပ်ဆတ်ဆတ်လေး ခုတ်ထည့်လိုက်ပါ
တစ်တက်စားလည်း ကြက်သွန်
နှစ်တက်စားလည်း ကြက်သွန်ပဲ မဟုတ်လား
ကြက်သွန်စားရင် ကင်ဆာလည်း ကာကွယ်သေးတယ်လေ
ငါတော်ကြောင်း သူညံ့ကြောင်း
ဒီနှစ်ကြောင်းကို ရဲရဲချရေးလိုက်ပါ ရဲဘော်
ဗိုလ်အောင်ဒင်ဇာတ်လမ်းထဲက သစ္စာဖောက်“ရာမ”လို
လက်ထဲ သေနတ်ရောက်တာနဲ့
သွေးကို ရဲရဲကြီး ပြောင်းလိုက်စမ်းပါ
ကိုယ့်ကို သစ္စာဖောက်တာပဲဖြစ်ဖြစ်
ကိုယ့်ဘာသာကို သစ္စာဖောက်တာပဲဖြစ်ဖြစ်
သစ္စာဖောက်ကို ထောက်ခံမဲပေးတဲ့ လောကကြီးပါ
ရဲဘော်ကြီးရဲ့ပေါင်မှာလိုပဲ အခြားသူရဲ့ ပေါင်မှာလည်း
ဒဏ်ရာတွေ အနာတွေ အများကြီးနဲ့
သိပ်ချစ်ဖို့ကောင်းတဲ့ ဟောဒီ ဒွန္နယာမှာ
သင်တို့သာ သူတော်ကောင်း လုပ်ကြစမ်းပါ။

အသံထွက်မရှိတဲ့ အက္ခရာ

အမှားတွေ တနင့်တပိုးထမ်းထားတဲ့
ငါ့ရဲ့ ချစ်လှစွာသော အတ္တခဲလေးရေ
မေးရိုးတွေ ခိုင်ခိုင်မာမာရှိပါရဲ့လား
ဂုဏ်ပကာသန အရောင် တပြောင်ပြောင်ကို
ဘယ်သူမှ ဝင်မစွက်ဖက်ဖို့
သူများရဲ့ နှလုံးသားတွေကို
သင် အစားထိုး ကုသထားရတယ်မလား
သင့်ကိုယ်သင် ဖုန်းဆိုးမြေမှာ
စိုက်ပျိုးပြနေရုံနဲ့ ဓူဝံကြယ်ကတော့
နေရာရွေ့မှာ မဟုတ်ဘူးသိလား
မေးကြည့်ပါဦးမယ်
အသက်ချောင်ချောင် မရှုဖြစ်တော့တာက
ဘာကြောင့် ဖြစ်မယ် ထင်လဲ
ဘယ်လောက်ကော ကြာနေပြီလဲ
ဝံပုလွေတွေ အသက်တစ်ရာပြည့်ရင်
လူဖြစ်တယ်ဆိုလို့လား
ကြောင်မှာ အသက်ကိုးချောင်းရှိတယ်ဆိုလို့လား
မောင်ချောနွယ်လို ဖျံဖမ်းတဲ့သူ ဖြစ်ချင်နေတာလား
တကယ်တမ်းတော့ဗျာ
ဟောဒီလောကမှာ လူလာဖြစ်ပြီးတော့
ကိုယ်ပိုင်စိတ်နဲ့ မနေရတာ အနစ်နာဆုံးပါ။

Sunday, March 20, 2011

“လမ်းညွှန်ဆိုင်းဘုတ်အလိုအတိုင်းသာ ငါတို့တွေ လှမ်းဝင်”

ကောင်းကင်ကကြယ်တွေကြွေတော့


ငါတို့တွေ ဆုတောင်းအသီးသီးပြုကြ

မောဟတွေ၊

လောဘတွေ၊

၂၁ ရာစုရဲ့ နောက်ဆုံးပေါ်ရမ္မက်တွေနဲ့

ငါတို့လတ်တလောအပူကို ကြယ်တွေဆီကို ပေါင်းကူးပေးကြ

ငါတို့ကြွေတဲ့အခါ

ကြယ်တွေ ဘယ်လိုဆုကိုများ တောင်းကြမလဲ။



ငါတို့တွေ အထုပ်အပိုးလေးပြင်ပြီး

ဒီအိမ်လေးထဲကို ၀င်လာခဲ့

ဒီအထုပ်လေးကိုဖြည်ရင်းနဲ့

ရင်းနှီးစားသောက်ခဲ့ကြ

တချို့တွေက ပညာတွေသင်

တချို့က ကြင်ယာကို ခင်

တချို့ကတော့ ကိုယ့်ကိုယ်ကိုသာ ခြယ်သရင်း



ငါတို့တွေ မပိုင်ဝက်မွေးကြတယ်။

ပန်းခြောက်ပင်တွေကိုမှ ရေလောင်းကြတယ်။

တပိုင်တနိုင် သီအိုရီနဲ့

ငါတို့ကို ငါတို့ မှတ်ပုံတင်ပြီးသား အမှန်တရားတွေလို့ထင်နေကြ

ပြီးတော့လည်း အဲဒီ အထင်ကိုသာ

ပန်းအိုးတစ်လုံးလို ဧည့်ခန်းထဲမှာ ချိတ်ဆွဲထားချင်ကြနဲ့

ငါတို့ဟာ ဟန်ပြသက်သက်ဖြစ်မှန်းမသိကို ဖြစ်လာခဲ့တာ။



ငါတို့မှာ ကျောနံပါတ်ရှိတယ်။

ငါတို့တွေ ကွင်းဘေးမှာ ရပ်နေတယ်။

ငါတို့တွေ တစ်ယောက်ပြီးတစ်ယောက် လူလဲကစားကြပေမယ့်

ဒီပွဲက ခုထိ အနိုင်အရှုံး မသဲကွဲသေးဘူး။

ငါတို့တွေဟာ တဖြည်းဖြည်းချင်းစီ ခြေကုန်လက်ပန်းကျလာ

ငါတိုရဲ့မှတ်ဥာဏ်တွေ ယို့ယွင်းလာကြ

အဟောင်းနဲ့ အသစ်ကို

ဝေေ၀၀ါးဝါးရှိလာ။



ငါတို့ကပဲ ဒီနေ့ကို တီထွင်တယ်

ငါတို့ကပဲ မနေ့ကကို ဖျက်ဆီးပစ်တယ်

ငါတို့ကိုယ် ငါတို့ Format အကြိမ်ကြိမ်ရိုက်တယ်။

ဓါတ်ခွဲခန်းမှာ အီးစီဂျီ ဆွဲနေသလိုပဲ

ကြည့် ….ငါတို့သွေးကြောမှာ အဆီအဆိမ့်တွေ ပိတ်ဆို့နေလိုက်တာ

အချိန်မှီ…..အသည်းအစားထိုးမယ်

ကျောက်ကပ်လဲလှယ်မယ်

အိမ်ရှင်၊ အိမ်ငှားဆိုပေမယ့်

ငါတို့က တချို့တွေကို ဖာထေးပေးခဲ့သင့်တယ်။



ဒါဟာ အရာရာမြန်နှုန်းမြင့်နည်းပဲ

ငါတို့ အမြင် အာရုံကိုမြင့်ရမယ်

ခပ်ဝေးဝေးက လွင့်ပျံလာမယ့်အသံတွေကို ငါတို့ နားစိုက်ထောင်

အထူးသတင်းကြေငြာချက်ကို အာရုံပြု….

သိပ်အံ့သြစရာ

ငါတို့ဟာ စီးဆော (Sea-Saw) တစ်ခုပေါ်မှာ

ငါတို့ရဲ့ နူးညံ့ကြင်နာမှုဟာ တဖြည်းဖြည်းအောက်ကိုကျလာ

အချိန်မှီ….အခုအခံကိုရှာတယ်

ငါတို့အတွက် အကာအကွယ်ကိုရှာရတယ်။



ဘယ်လိုနည်းနဲ့ပဲ ကမ္ဘာဟာ တောက်လောင်ပါစေ

ငါတို့မှာ ချနင်းစရာ သားကောင်က အဆင်သင့်ဖြစ်ရမယ်

ငါတို့တွေ ဟန်ဟန်ပန်ပန်ကို စုဆောင်းကြ

ငါတို့တွေ လက်ကိုင်အိတ်ကို ဖောင်းပွကြ

ငါတို့ဟာ ၀တ်ပုံစားပုံ သပ်သပ်ရပ်ရပ်နဲ့ဆိုတော့

ငါတို့လက်ရှိဟာ ငါတို့မနက်ဖြန်ကို အလွယ်တကူမမှတ်မိ

အဲဒီနည်းအတိုင်း

ငါတို့ကိုယ် ငါတို့ အကြိမ်ကြိမ် ပြန်ထိုးမိတယ်



တစ်၊

နှစ်၊

သုံး၊

လေး….

ငါတို့ကိုယ် ငါတို့ တိုင်ပင်ပေးရတယ်

ငါတို့တွေ ဖုတ်ဖက်ခါပြီးပြန်ထ

ငါတို့မျက်ရည်ကျတာကို မြင်ဖူးသူဟာ

ငါတို့ကို ပိုဝမ်းနည်းစေသူတွေ

ငါတို့ဘ၀အချိုးအကွေ့မှာ

သူတို့လက်ခေါက်မှုသံကိုလျစ်လျူရှု့ထား

ငါတို့တွေဟာ ပုန်းလျှိုးကွယ်လျှိုးဆိုပေမယ့်

စင်ပေါ်ကို ထင်ထင်ရှားရှား တက်ချင်ကြသေးတာ



ရှု့စားသာကြည့်ကြ

အဲဒီအထုံးကြီးကိုငါတို့ဖြေနေပုံ

အဲဒီ ဇာတ်ရှုပ်ကို မိုးလင်းမိုးချုပ်ဖျော်ဖြေပုံ

ဆရာ့ ဆရာကြီးတွေ နည်းအတိုင်း

ငါတို့တွေဟာ တသွေမတိမ်းကို လိုက်နာပုံတွေနဲ့

နောက်အထုပ် ထုပ်ဖို့ ငါတို့ဟာ မေ့လျော့ခဲ့ကြ

အွန်လိုင်းပေါ်တက်ရင်း မေ့လျော့ကြ

နိုက်ကလပ်တက်ရင်းနဲ့ မေ့လျော့ကြ

အိပ်ရာခင်းပေါ် ကျောဆန့်ရင်း မေ့လျော့ကြ

ဆူရှီစားရင်းမေ့လျော့ကြ



ငါတို့တွေ အပေးအယူမျှပါသေးတယ်။

ငါတို့တွေ နေကောင်းပါသေးတယ်။

ငါတို့လက်မောင်းသားတွေ တင်းတင်းရင်းရင်းရှိနေသေးတယ်။

ငါတို့ပတ်ဝန်းကျင်ဟာ စားကောင်း အိပ်ပျော်အခြေအနေပါ။

ငါတို့တွေ ဆခွဲကိန်းဘ၀ဖြစ်ရတာကိုပဲ ပျော်နေသေးတယ်။

အခုလောလောဆယ်တော့

ငါတို့ရဲ့ ဧရာဝတီလေး သိပ်ပြီးတော့ အိနြေ္ဒရနေ

စီးဆင်းနေပုံသိမ်သိမ်မွေ့မွေ့၊

အတိတ်တွေ ဘယ်လိုရှိရှိ ဒီနေ့ သူ သိပ်လှနေတယ်။

ဖူဂျီကိုထက် ငါတို့ပုပ္ပါးလေးကပိုလှတယ်

ငါတို့မြစ်သံလွင်လေး လတ်လတ်ဆတ်ဆတ်ရှိသေးတယ်။

တော်သေးတယ်

ငါတို့တွေ ဘုရားရှင်ရဲ့အဆုံးအမနဲ့ ကင်းကင်းကွာကွာ မဟုတ်သေးတာကိုက

ငါတို့ဒီဘက်အခြမ်းအတွက် ဘုရားတရလောက်အောင်ကို တော်သေးတယ်။





နှင်းနုလွင်



၁၅၊ ၀၃၊ ၂၀၁၁

အခွင့်ထူးခံ

“ဒီနေ့လူငယ်တွေ” ဆိုတော့

ကျွန်တော် ခပ်ပေါ့ပေါ့လေး ရယ်မိတယ်


ညကြီး ၁၂ နာရီဆိုတာ

ဒါမှ မဟုတ် “ည”ဆိုတဲ့ ဝေါဟာရဟာ

ဒီမြို့က လူငယ်တွေ အတွက် မရှိပါဘူး


လူငယ်တွေ လက်ထဲမှာ ရှိတာက


ဖျက်ဆိုထားတဲ့ သီချင်းဖြစ်ဖြစ်

ဂစ်တာတစ်လက်နဲ့

ဂစ်တာတီးတတ်သူ ပါလာရင်

အဆောင်ရှေ့မှာဖြစ်ဖြစ်

ဂစ်တာတီးပြမယ်



တံခါးပိတ်ထားပြီး ဆိုင်နာမည်မရှိ

ကွန်ပျူတာတွေသာရှိတဲ့

၂၄ နာရီ ဖွင့်သည်နေရာမှာ

မအိပ်မနေ အသက်ရှည်ဂါထာရွတ်နေတဲ့

မောင်ပေါက်ကျိုင်းတွေ ရှိမယ်


နောက်ထပ်


အလင်းဆိုင်စာတန်းမပါပေမယ့်

ဘယ်တော့မှ မပိတ်တဲ့ လက်ဘက်ရည်ဆိုင်မှာ

ရယ်လိုက် ထပ်ရယ်လိုက်

ခပ်ပြင်းပြင်းလေး ဝိုင်းပြည့်ရယ်လိုက်

သောကကင်းလှတဲ့ လူငယ်ဝိုင်းတွေမှာ

ခုဆို

ကောင်မလေးတွေပါ ပါပါလာမယ်


ရှေးလူကြီးတွေ

အမင်္ဂလာအချိန်လို့ သတ်မှတ်ထားတဲ့

ညချိန်မှာ

ကိုးနာရီမှ ဆယ်နာရီမှ

အိမ်ကနေ ထွက်ထွက်လာကြ

အဆောင်ကနေ ထွက်ထွက်လာကြ

ဒီအချိန်မှာ မိဘစကားနားထောင်သူဆိုတာ

ဂန်ဒူးဆိုလား

ဒီစကားကို သနားသဖြင့်

ကျွန်တော် ချန်ပြီး ပြောပြတာပါ


တကယ်မရှတဲ့ ဓားနဲ့ ခုတ်ကြ

ကျည်မပါတဲ့ သေနတ်ပစ်ကြ

ဘယ်ကောင်က ဘယ်ပါဝါတဲ့

လူဖလံတွေ ပိုပိုများလာတဲ့ကာလ

ဘယ်လူငယ်မှ ချိန်းကြိုးပါမလာတော့ဘူး

ဘယ်လူငယ်မှ “ဟေ့ကောင်” ဆိုပြီး

အုတ်ကျိူးကောက် တစ်ဖက်လူခေါင်းကို မပစ်ရဲဘူး

လိမ္မာလာကြလို့တော့ မဟုတ်ဘူး

“ဇ” ကို မရှိကြတော့တာ

မိုက်နေကြတာကတော့ ကမ်းကုန်ပါပဲ


အရှေ့ဘက်ကို အနောက်ဘက်ကို

တောင်ဘက်ကို မြောက်ဘက်ကို

ဘာတွေများရှိလို့ ဆိုင်ကယ်ကို

ဇက်ကုန်ဖွင့်ပြီး ကျားကျားမမ

ဟေးဟေး ဟားဟား

ကြက်သား ဘဲသား

ပေါင်သား ရင်သား

စားရင်း သောက်ရင်း

ပျော်ကြပါးကြ သွားကြ လာကြ

ညတွေ ညတွေရဲ့ အားရစရာ

ရွှေမန္တလာ ကကွက်ပါ


ညညမှာလား

မြန်မာ့ယဉ်ကျေးမှုနဲ့ ညီတဲ့မြို့ဆိုလို့

တို့ရွှေမန္တလေးပဲကျန်တယ်လို့လည်း

အငြင်းသန်တဲ့ ပေါင်တံဖွေးဖွေး

ရေဆေးငါး ရာသီစာတွေလေ

ဘီယာမြုပ် တစီစီနဲ့

ရှေးဘုရင်တွေ နန်းစံခဲ့လို့

နေပြည်တော်သရုပ်လေးအဖြစ်ကျန်ခဲ့တဲ့ ကျူံးဘေးမှာ

အသက်ကိုလည်း ခပ်ပြင်းပြင်းခိုးရှူကြတတ်သေး


ဒါနဲ့ ညညဆို

အိမ်မှာ ဆိုင်ကယ်တွေ ကားတွေ

ထားစရာမရှိလို့

ကေတီဗွီမှာ မာဆတ်မှာ နိုက်ကလပ်မှာ

သွားသွားထားကြ

မိုးလင်းလုလုမှာ ထွက်လာတာကြည့်မိတော့

ကျွန်တော်တုိ့ နိုင်ငံတော်ကို လက်လွဲခဲ့ရမယ့်

လူငယ်သားကောင်းတွေ*

ဒီလိုညတွေ ဘယ်ထိ ရှည်ဦးမှာပါလိမ့်။







*ငြိမ်းမင်း၏ စကားလုံးများနှင့် ကခုန်ခြင်းဟောပြောပွဲမှ စကား

ဒီနေ့ရာသီအခြေအနေ

မျက်ရည်ကျမယ့်အတူတူ

လက်ခုံကို မင်းအိပ်ကပ်ထဲကနေ ဆွဲထုတ်လိုက်ပါ

ကမ္ဘာမှာ မင်းတစ်ယောက်တည်း

အပေါ်ကို မော့ကြည့်နေပါ

အခု မင်းရှိနေတဲ့ နေရာက

မင်းအတွက် ကန္တာရပါ

မင်းရှိုက်သံကြောင့် မုန်တိုင်း မထန်ပါဘူး

မင်းမျက်ရည်ကြောင့် ဒီကုန်းမြေ ရေမလွှမ်းပါဘူး

မင်းနှစ်နှစ်ကာကာချစ်ခဲ့သမျှ အရာရာဟာ

အရင်ကအတိုင်း မင်းတစ်ယောက်တည်းပါပဲ

ဝိညာဉ်ချင်းလည်း ချိတ်ဆက်ချင်မှ ချိတ်ဆက်လိမ့်မယ်

ချစ်တတ်သူတစ်ယောက်ယောက်ရဲ့

လှမ်းလက်ကို ဆွဲယူ

ပန်းပွင့်စတွေ လွှင့်တက်လာတဲ့

အနမ်းစတွေ လွှင့်ထွက်လာတဲ့

ညမှာ ကြယ်တွေကြွေတာ ချစ်သူနဲ့

အတူကြည့်ချင်နေသေးလား

သံစဉ်တစ်ခုခု ဂီတသံတစ်ခုခု

လွှင့်မျောနေတဲ့ နာမည်တစ်ခုခု

အော်ခေါ်ပါ

ချစ်သူကြားအောင်အော်ခေါ်ပါ

အရမ်းမပြေးပါနဲ့

မင်းအော်ခေါ်သည်နှင့်အမျှ

မင်းဟာ ဂြိုဟ်သိမ်ဂြိုဟ်မွှားလို လွင့်ထွက်နေ

ငေးကြည့်

အတိတ်ကို ငေးကြည့်

ချစ်ခဲ့ဖူးတာကို ငေးကြည့်

နမ်းခဲ့ဖူးတာကို ငေးကြည့်

ငေးကြည့်လို့ လှသထက်လှနေဆဲ အတိတ်မှာ

အနမ်းကို

တစ်ယောက်နဲ့တစ်ယောက်

တင်းတင်းကြပ်ကြပ်ဖက်ပြီး

နမ်းခဲ့ဖူးပေမယ့်

အလွမ်းဆိုတာမျိုးက

ချစ်သူတွေကို ခပ်ဝေးဝေးခွဲဖို့ပဲ

စဉ်းစားနေတာ။

Friday, January 28, 2011

တစ်နေ့နေ့ရဲ့ မနက်ဖန်

ဘယ်သူကများ
"အချစ်"ဆိုတဲ့စကားလုံးအောက်
ဒုက္ခမရောက်ဘဲ
ရှိခဲ့ကြဖူးလဲ။

ချစ်တတ်သူတိုင်း
ချစ်ရသူ ကောင်းစားစေချင်တဲ့စိတ်နဲ့
ချစ်ရသူနဲ့ ဝေးရမှာ ကြောက်တဲ့စိတ်
အမြဲလွန်ဆွဲနေခဲ့မှာ

အချစ်သာ ပဓာနရယ်လို့
ဘဝကို သောကဘုံထဲပို့ဖို့ဆိုပြန်တော့လည်း
မျက်ရည်လေးတစို့စို့
ကိုယ့်ရဲ့ တစ်ယောက်သောသူကို
ဒီတိုင်း မကြည့်ရက်ကြတာ
သဘာဝပဲ မဟုတ်လား

မြတ်နိုးရသူ မျက်နှာငယ်မှာစိုး
အတ္တအစွယ်ကိုချိုးပြီး
တိတ်တခိုးနဲ့ ငိုမိရယ်မိ
ဒါကို
ချစ်သူသိမှာလည်း ကြောက်ခဲ့ရတယ်

ချစ်သူရဲ့ ခိုလှုံရာဆီ ခိုးခိုးသွား
အရှိုက်ထိအောင် နာခဲ့ရခြင်းအတူတူ
သူ ပိုနာကျင်သွားလေမလားလို့
စိုးရိမ်မိတာကလည်း
သိပ်ချစ်လွန်းလို့ မဟုတ်ပါလား

တစ်ဆင့်ပြီးတစ်ဆင့်
တနင့်နင့်နဲ့
သီးသမျှ သတိရခြင်း သစ်သီးတွေ
ရင့်ရင့်ပြီးတော့ကြွေ
ဒီရင်ကို မီးလိုမွှေနေတာ
ဘယ်သူမှ မသိခဲ့ပါဘူး

ချစ်ရသူတစ်ယောက်
နောက်ရင်ခွင်မှာ
ပျော်မှ ပျော်ပါ့မလားလို့
သောကအစုံအလင်နဲ့
လင်းနေတဲ့ ကိုယ့်ကောင်းကင်
ဒီရင် ပူလောင်လိုက်မလဲ

အခု ကိုယ်ဆိုနေတဲ့သီချင်းမှာ
ဒဏ်ရာကင်းတာဆိုလို့
ချစ်သူနာမည်ပဲရှိ
အဲဒီ့စိမ်းလန်းတောအုပ်မှာ
ကိုယ် တစ်သက်လုံးနေချင်မိတာ
ဆန်းသလား

မြွေတွေ အဆိပ်ဘယ်လောက်ပြင်းပြင်း
အချင်းချင်းတော့ မထိခိုက်သလို
ကိုယ်တို့
အဆိပ်များစွာဆီက
လွတ်ကင်းခဲ့ပေမယ့်
အတ္တမြင်းရိုင်း ခွာသံအောက်မှာ
မြစ်တို့ သိပ်ကွေ့ကောက်လွန်းခဲ့တယ်

တန်ဖိုးအတုတွေနဲ့
ဘဝအတုမှာ
ပျော်စရာအတုတွေ
ရှာနေသူကြား
ကိုယ်တို့လမ်းမှားခဲ့
တစ်ခါခါ
လွတ်လပ်စွာကွဲလွဲခွင့်ဆိုတာ
နှလုံးသားတည့်တည့်
ချိန်ပြီးပစ်လိုက်တဲ့
ကျည်ဆံ

တစ်ရက်ထက်တစ်ရက်
ကြီးရင့်လာတဲ့ အသက်နဲ့အတူ
ကိုယ့် အမှားတွေ
အဆင့်တက်
နရက်မှာ ပြာတွေ ဆက်ပူမယ့်အတူတူ
ဗုံကို အသံခပ်ပြင်းပြင်း
မြည်အောင် ထုလိုက်
အသက်ကိုတော့ မှန်မှန်ရှူ
ကော်ဖီတွေ ပူနေရင် မှုတ်သောက်ပေါ့
ပတ်ဝန်းကျင်ဆိုတာ
ယားရင်ကုတ်လို့ကောင်းတဲ့
အနာစိမ်း

လူတွေဦးနှောက်က
စက်ရုံက တိုက်ရိုက်ပို့ထားတဲ့ မှန်များ
ကော်ပတ်စားထားတဲ့ ကျွမ်းတိုင်
သေချာကိုင်ရင်တောင်
စွန်းတယ်

ချစ်သူရေ
သဘာဝဇာတ်ညွှန်းအတိုင်း
အခု ကိုယ်တို့
တစ်ယောက်နဲ့တစ်ယောက်
အထင်လွဲပြီး
နာကျည်းကြတဲ့ အလွမ်းခန်းကို
ဆက်က ကြရမယ်




ဂျေဂျူဝိုင်ရဲ့ အချစ်ကဗျာကို ဖတ်ချင်တယ်ဆိုလို့ အလောတကြီး စပ်ပေးလိုက်ပါတယ်။

Saturday, January 22, 2011

သုံးသုံးလီ=ကိုး

နည်းနည်းလေး ပိုပြီးတော့လည်း မယူခဲ့ရပါဘူး
အတိတ်မျက်ဝန်းကိုက ရင်ထဲကိုပဲ စိုက်စိုက်ကျနေတာပါ
ငါတို့အချစ်စစ်စစ်တွေနဲ့ ချစ်ခဲ့ကြပြီး
ဘယ်လိုမှ မဝေးနိုင်ခဲ့ပေမယ့်
ငါတို့ဆွဲခဲ့တဲ့ စင်ကြယ်မှုအနာဂတ်ပန်းချီမှာ
ဘေးကနေ ပက်ကျဲချလိုက်တဲ့
အမုန်းရောင် အစွန်းအထင်းများခဲ့တယ်
ကွေ့သော ကောက်သော လောကီတရားမှာ
အသားအရေ ပါးလှပ်လှပ်နဲ့
ကိုယ်ခံအားနည်းကြသူတွေကြား
ငါတို့
ဒိုင်းတွေ လွှားတွေအကြောင်း မဆွေးနွေးမိခဲ့ဘူး
ရေအသွန်ခံလိုက်ရတဲ့ အလှမွေးကန်ထဲက ငါးတွေ
ဘယ်လိုပဲ ဖျတ်ဖျတ်လူးနေ
ရေနဲ့ နီးရာကို မရောက်ခဲ့ဘူး
အချစ်ရယ်
မင်းမျက်ဝန်းတချို့နဲ့ မင်းအချစ်အကြောင်း
၏ သည် မလွှဲ
ငါ့ရင်ထဲ ခိုဆဲ ကပ်ဆဲ
မောင်လို့ခေါ်သံကို နားနဲ့ဆတ်ဆတ်ကြားဆဲ။


သုံးသုံးလီ=ကိုးကို ၁၂၅ ထဲမှ ကြာသပတေးနှုတ်၍ ရလာပါသည်။