Wednesday, December 29, 2010

ခံစားချက်မပါဘဲ စပ်တဲ့ကဗျာ

ဖတ်ခဲ့ဖူးပါတယ် ထားဝယ်ကဗျာထဲမှာ
သူတို့လေ တမ်းတခဲ့ကြဖူးတယ် ဒီလို
အိမ်ခေါင်မြုပ်အောင် ရွာလိုက်ပါမိုး… လို့
ဝေးသွားတာကို ဝေးသွားတဲ့အတိုင်း
ပြန်မလာတာကို ပြန်မလာတဲ့အတိုင်း
တစ်နေရာရာမှာ သိမ်းထားလို့ မဖြစ်တဲ့အဆုံး
အိမ်ခေါင်မြုပ်အောင် မိုးရွာစေချင်တယ်
အကျွမ်းတဝင်နေမိကာမှ
ကျွမ်းသားတဲ့ ကိုယ့်အသည်းကို
ဘယ်လိုမှ ကုလို့ မရတဲ့အဆုံး
အိမ်ခေါင်မြုပ်အောင် မိုးရွာစေချင်တယ်
မျက်ရည်တွေလည်း ဝေလို့
သူမပုံရိပ်တွေလည်း အနားမှာဝေ့လို့
သူမနဲ့ ကျွန်တော်တို့ ဝေးခဲ့ကြတယ်
ဝေ ဝေ့ ဝေး မှာ နီးဖို့ မဖြစ်နိုင်တဲ့အဆုံး
အိမ်ခေါင်မြုပ်အောင် မိုးရွာစေချင်တယ်
ဒီလိုနဲ့
ငါတို့ရဲ့ ဇာတာမှာ အမြဲတမ်းမိုးခေါင်ကြောင်း
ငါတို့ ဆက်ပြီး မေ့ချင်ယောင်ဆောင်ကြတာပေါ့
သူငယ်ချင်း။

Numb

မင်းအခန်းနံရံကို အားကုန် ထုနေလို့ကော
ဘုရားကျောင်းကို ခြေကုန်သုတ်ပြေးတော့ရော
စာသင်ခန်းမထဲ မင်းတစ်ယောက်တည်း ကျန်ခဲ့လို့ကော
လှေကားအဆင်းမှာ တိုက်မိလို့လဲတော့ရော
မင်းမသောက်ဖြစ်တဲ့ ကော်ဖီခွက်တွေအတိုင်း
ပတ်ဝန်းကျင်က အေးစက်ပဲမဟုတ်လား
ဖြတ်ခနဲ မင်းလန့်ဖျတ်သွားပုံက
သူများတွေ လက်ညိုးထိုး ဟားတိုက်စရာ
ဆောင်းမနက်က အိမ်နံရံများလို
နှင်းရည်မစိုရုံတမယ် မင်းမျက်နှာက
မင်းခံနိုင်ရည် မရှိတဲ့ အထီးကျန်မှုထဲဆီ
မင်းကိုယ်တိုင်ပဲ ဆွဲခဲ့တဲ့မြေပုံပေါ့
လူရာမဝင်တဲ့ ရူးသွပ်မှုက
မင်းလုပ်သမျှ မင်းကျောပိုးအိတ်လို
မင်းကို မျက်နှာလွှဲပါပေါ့
မင်းတကူးတက သယ်လာတဲ့အပြုံးတွေ
မင်းရပ်နေတဲ့ တံတားအောက်ကိုသာ ပစ်ချလိုက်ပါတော့
မင်းရှေ့မှာဘယ်သူမှ မရှိသလို
မင်းနောက်ကိုလည်း ဘယ်သူမှ လိုက်မလာဘူး
အခု မင်းဝတ်ထားတဲ့ ဝတ်စုံကို
ဘယ်လို ဝတ်စုံမျိုးလဲလို့ မင်းမသိနိုင်သေးသ၍။

Linkinpark ၏ Numb တေးသရုပ်ဖော်ကို သီဖွဲ့သည်။

အခုခင်ဗျားကြည့်နေတာ ဖြူမည်းရုပ်ရှင်

အက္ခရာ လေးဆယ့်နှစ်လုံးကိုခိုစီး
ကိုယ့်ခရီးကို ဖြောင့်ဖြောင့်တန်းတန်း ထွက်ခဲ့
အတွေ့အကြုံ သိပ်သည်းဆ ဖွဖွလေးနဲ့
လမ်းလယ်မှာ ရပ်စောင့်နေတဲ့ တစ်ခါကဧည့်သည်ကို
နှုတ်ခမ်းမှာ လက်ညိုးထောင်ပြီး ခပ်တိုးတိုးနေဖို့ပြောတုန်း
ငါ့မျက်နှာမူရာမှာ နေဝင်သွားတယ်
ငါ့ကို ချစ်ပါ၊ ငါ့ကို မုန်းပါ၊ ငါ့ကို ထားရစ်ပါ
သရကြားထဲ ဗျည်းတွေ ထိုးသွင်းတဲ့ စာလုံးတွေနဲ့
မျက်စောင်းတွေထိုးသွင်းပါ ဓားတွေ လှံတွေ ထိုးသွင်းပါ
သကြားထဲ ဆားထည့်ထားတဲ့ စာလုံးတွေလို့မှားဖတ်ပြီး
ကျောက်ခဲတွေနဲ့ ပစ်ခတ်ပါ သေနတ်တွေနဲ့ ပစ်ခတ်ပါ
ဖိုနဲ့မ ခွဲခြားလို့ မရသလို သရနဲ့ ဗျည်းခွဲခြားလို့မရ
အဲဒီလို ကျွန်တော်နဲ့ သူမကို ခွဲခြားလို့မရ
အခု သူမလက်ထပ်သွားပြီဆိုတာကလည်း
သရကြားထဲ ဗျည်းညှပ်သွားတဲ့ ပြဿနာ
ဒီတစ်ခါ သကြားထဲ ဆားမထည့်မိပြန်ဘူး
သံသာကမ်းတိုင် တူပြိုင်ကူးမယ်လေ ဆိုတဲ့ သီချင်လည်း
သရကြားထဲ ဗျည်းညှပ်တဲ့ ပြဿနာ
ဒီလမ်း ဒီမြို့ပြ ဒီနေရာတွေမှာ လမ်းလျှောက်ရင်း
ပျောက်မသွားတဲ့ ငါ့ကို ပြန်ရှာလို့မရ
ဒီလိုနဲ့ မန္တလေးမှာ မိုးတွေရွာ၊ အခြားနေရာတစ်ခုမှာ မိုးတွေရွာ
ခေါင်းလောင်းကို တစ်ချက်ထိုးလိုက်ပါ
အလောင်းကောင်ကို သုဿာန်တစပြင်ကို ပို့ပါ
မျက်နှာမည်းတစ်ယောက်ယောက်ကို အကူအညီတောင်းပါ
ပါးစပ်ကို ခေါင်းနဲ့ အနီးဆုံးမှာ ထားပါ
စကားကို အူထဲကထွက်တဲ့ အသံနဲ့ပြောပါ
ဆုလာဘ်မပါတဲ့ တံဆိပ်ကောင်းတွေ ရယူပါ
ဘယ်တော့မှ မလွဲချော်မယ့် နားလည်မှုကိုသိမ်းပိုက်ပါ
မြွေပွေး၊ သရအပြည့်အစုံပါတဲ့ ခခွေးအက္ခရာ
ဝင်းဝင်းမြင်လို့ မီးကျီးကို ရွှေထင်တဲ့
(အသိဉာဏ်ကန်းနေတဲ့ မျက်လုံးစွေစွေသတ္တဝါ)
သူစိမ်းတရံများ၏ ဟာလာဟင်းလင်း ကရုဏာတွေနဲ့
တစ်ယောက်တည်းလာပြီး နှစ်ယောက်ထွက်ချင်
ကောက်ရိုးမျှင်ဆိုတာ သေချာသွားပြီလား
ဆန္ဒတွေ မသင့်လျှော်တဲ့ မိုက်မဲမှုတွေအပြည့်
ကိုယ့်ဝမ်းသာမှုကို ကိုယ်တိုင် မကောင်းကြောင်းပြောရင်း
ကိုယ့်လက်မှာ ထိုးထားတဲ့ မင်ကြောင်ကို ကိုယ်တိုင်ဖျက်ရင်း
ကြည့်သူမရှိတဲ့ ရုပ်ရှင်ရုံထဲ လူပြည့်မယ်အထင်နဲ့
(ရှိခဲ့ရင်လည်း ကိုယ့်ခြေကိုယ်မမြင်တဲ့ မြွေတွေပဲ ဖြစ်မှာ)
ဒီလမ်းမှာ ထောင့်ချိုးတစ်ခု ရှိမယ်အထင်နဲ့။

မျက်နှာချင်းဆိုင် အဝေး

ကျွန်တော်နှင့် သူမ တစ်ယောက်မျက်နှာ တစ်ယောက်ကြည့်
နေကောင်းလား၊ နေရထိုင်ရ အဆင်ပြေလား၊ ကျန်းမာရေးဂရုစိုက်
မေးခွန်းများကို အဆင်ပြေတဲ့ နေရာကို ပစ်ချ
အခုကော ဘာလုပ်နေလဲ၊ ပုံမှန်စား ပုံမှန်အိပ်ရဲ့လား
ကျွန်တော် ဂါထာတစ်ပုဒ်ကို ရွတ်ဆိုရင်း နေရာပြင်ထိုင်
တလောကတောင် သူနဲ့ တွေ့တော့ ရှင့်အကြောင်းပြောဖြစ်သေးတယ်
နာမဝိသေသန၊ နာမ၊ ကြိယာဝိသေသန၊ ကြိယာ
ဘယ်သူကတော့ ရှင့်ကို ဘယ်လိုဖြစ်တယ်ဆိုလားပဲ
သူမမျက်လုံး ရှေ့တည်တည့် လက်ဝါးကို ဖြန့်ပြီး ဘယ်ညာခါယမ်း
ဒီကိစ္စနဲ့ ပတ်သက်ပြီးတော့ ရှင့်ဘက်က ဘယ်လိုခံစားရလဲ
ကျွန်တော် ဟာသတော်တော်များများကို ခပ်မြန်မြန်တွေး
တကယ်တော့ တကယ်မှန်တာ တစ်ခုခုရှိရမယ် သိလား
ကျွန်တော် သူမနဲ့ အနီးဆုံး နေရာသို့ ရွှေ့ထိုင်
ရှင့်ဆေးလိပ်မီးခိုးငွေ့ကို ဒီဘက်မှုတ်မထုတ်နဲ့လေ
သူမထံတွင် မျက်ရည်အိပ် ပါမပါ သိပ်မသေချာ
အော် ကျွန်မ ရှင့်ကို ပြောစရာ ရှိတာ ခုမှ သတိရတယ်
ဆိုရိုးများ၊ ကျင့်ဝတ်များ၊ ပတ်ဝန်းကျင်များ၊ ထုံးတမ်းစဉ်လာများ
ကျွန်တော် နားဖာကလော်ဝယ်ရန် လိုနေကြောင်း သတိရ
ထိုစဉ်
ဒီဇင်ဘာဆောင်းတစ်ခု သူမနဲ့ ကျွန်တော့်ကြားသို့ ဖြတ်ဝင်။

ကောင်းကင်ထက်က `လ´

အချိန်တန်ပြီလို့ သတ်မှတ်ပြီး
ကိုယ့်အကြည့်ကို သူမဆီက
ပြန်ရုတ်သိမ်းရတာ ပင်ပန်းလှပြီ
သွင်သွင်ကျိုးအောင် ရိုက်ချိုးထားလည်း
သူမကို ချစ်တဲ့စိတ်က
ဘာနဲ့ တားတား မရ
ဘယ်ကနေများ
နှလုံးသားတည့်တည့်ပေါ်
သူမ ပြုတ်ကျခဲ့တာပါလိမ့်
သူမကို ချစ်မိတဲ့ပုံစံကလေ
အကြိမ်ကြိမ်ဖျက်ဆီးလိုက်လည်း
ပြန်ဖြစ်တည်မှု အသစ်အသစ်က
ခြေချစရာ မရှိအောင်ပြည့်ကြပ်
သူမရဲ့ နားသယ်စ၊ ဆံနွယ်များ
နှာတံဖျား၊ လက်သည်းခွံ
စသဖြင့် စသဖြင့် သေးသွေးမွှားမွှားလေးထိ
ကျွန်တော့်အချစ်တွေ ပြေးဝင်နားခို
နဂိုရ်မမြင်ရတဲ့ လေနဲ့ မိုးကိုမမြင်ပေမယ့်
အချိန်ရှိတိုင်း သူမတစ်ယောက်တည်းကို သာမြင်
သူမရဲ့ မွေးညှင်းဖျားများထိ
မဆုံးနိုင်တဲ့ ၀ါကျတွေနဲ့
ကဗျာကို မကြာခဏ ရေးဖွဲ့မိ
သူမကို ချစ်တဲ့ ကျွန်တော့်ကဗျာ
သဘာဝဘေးအန္တရာယ်၊ နျူကလီးယား အန္တရယ်
စစ်မက်အန္တရာယ် ကင်းလျှက် စင်ကြယ်
အတိုင်းသား အနေအထားမပျက်။

အမှန်တရားက ဒီမှာရှိတယ်

ကိုယ့်စိတ်ကူးနဲ့ တည့်တဲ့ စိတ်ကူးကို
စိတ်ကူးထဲ အသေအချာထည့်ပြီး
မနေ့က လူပြောသူပြောများခဲ့တဲ့ စကားတဖြတ်
မနေ့က သတင်းစာမှာ ပါခဲ့တဲ့ အသံတစ်ဝက်
မနေ့က ရေဒီယိုမှာ လွင့်ခဲ့တဲ့ အပိုင်းတစ်စ
ရှေးပုရပိုက် ဆေးညွန်းအတိုင်း
ကိုယ်ထင်တာ တစ်ဝက်
ဆွဲချတာ တစ်စိတ်
ယုံတမ်းက တစ်ပိုင်း
သမအောင် ရောမွှေပြီး
ကိုယ့်စိတ်ကူးနဲ့ တော်တည့်မှန်ကန်အောင်
ခပ်မြန်မြန်လေး သောက်ချလိုက်တယ်
သံချေးတက်နေတဲ့ စိတ်ကူးအတွက်
ဒီကဗျာထဲမှာ
အကောင်းဆုံး ဆေးကို ဖော်စပ်ပေးခဲ့တယ်
ခင်ဗျားလည်း သောက်ထားတယ်မဟုတ်လား။