Saturday, October 30, 2021

ထန်တလန် (သို့) မြန်မာနိုင်ငံကို မီးလောင်တိုက်သွင်းခံရခြင်း

Saturday, October 30, 2021 Posted by ဂျေဂျူဝိုင်




 

အချိန်တော်တော်ကြာတဲ့အထိ

ထန်တလန်မြို့တည်ရှိနေတယ်ဆိုတာ မသိပါဘူး

ချင်းလို အရမ်းခေါ်ရခက်လို့

မြန်မာလို အွယ်ပီးလို့ခေါ်ပါဆိုတဲ့ မိတ်ဆွေလေးကြောင့်

ထန်တလန်ဆိုတဲ့မြို့လေးကို ကြားဖူးခဲ့တာပါ

ဒီ ၂၀၂၁ ဩဂုတ်လအထိလည်း ထပ်မေ့ခဲ့တာပါပဲ

ဒါပေမယ့်

စက်တင်ဘာလကနေ ပြန်လည် စတင် သတိထားမိလာတယ်

စစ်တပ်က ပစ်လို့ နေအိမ်တလုံး မီးလောင်ပြာကျတယ်

ဆိုတာကနေ ပြန်လည်စတင် သတိထားမိသွားတာ

နောက်တော့ အောက်မေ့ဖွယ်ဘုရားကျောင်း

အဲဒီနောက် စစ်ရှောင်တွေ များလာတော့ စစ်ခွေးတွေဟာ

သူများရဲ့ ချွေးနည်းစာကို ပဒေသာပင်ပေါက်သလို သဘောထား

စားနိုင်သလောက်စား သယ်နိုင်သလောက်သယ်ပြီး ဖျက်ဆီး မီးရှို့

အိမ်တွေ မီးလောင်နေတော့ မီးငြိမ်းဖို့လုပ်တဲ့ သင်းအုပ်ဆရာကို

ပစ်သတ် လက်ထပ်လက်စွပ်ကို လက်ဖြတ်ချွတ်ယူ

အဲမှာ နောက်ဆုံးမြို့ထဲကျန်နေတဲ့သူလည်း အကုန်ထွက်ပြေးတာပဲ

ဒီလိုနဲ့ အောက်တိုဘာလ ၂၉ ရက်ဟာ

ထန်တလန်သူ ထန်တလန်သားတွေနဲ့အတူ

မြန်မာနိုင်ငံသူ နိုင်ငံသားအားလုံးရဲ့ ခွေးပုရပိုက်မှာ

စစ်ခွေးတွေကို နာမည်ရေးထိုးကြပေါ့

မီးလောင်သွားတာ ထန်တလန်မှ မဟုတ်တာ

မီးလောင်သွားတာ

ငါတို့ရဲ့ မြန်မာနိုင်ငံ။