Monday, August 24, 2009

မြှားဆိပ်တက်ခြင်း

ငါမလိုချင်လို့ လွင့်ပစ်ထားတာပါ
ဒီကောင်းကင်ကို ငါ့ပေါ်
မင်းဘာလို့ လာချသွားတာလဲ
ပြောလိုက်သေးတယ်
မချစ်ချင်စမ်းပါနဲ့တဲ့
နာရီက အချိန်ကို ရှာမရသလို
မီးက မီးပူလောင်နေသလို
သုတ္တန်ဒေသနာတွေ တရားမနာနိုင်တော့ဘူး
အချစ်က ကောင်းကင်ဘုံလောက်ဝေးလို့
ငါနဲ့ ငါပိုဝေးခဲ့ရပြီ
အနီရောင်မလေးရယ်
ပတ်ဝန်းကျင်ဖိအားလေးက
မင်းစိတ်ကို လှည့်ဖျားနေတာပါ
လောကဓံဆိုတာ
လူတွေကို ရယ်တတ်ဖို့ သင်ပေးတဲ့အရာပါ
မနက်ဖြန်ကို ပျံသန်းဖို့
ငါ့ကို အားကိုးရာ မမဲ့စေစမ်းပါနဲ့ကွာ။

Saturday, August 22, 2009

မြေမြုပ်ဗုံးတစ်လုံးအကြောင်း

ပြန်ပြင်မရတဲ့အိပ်မက်ဆိုးထဲက
အပူအပင်ကြီးကြီးမားမားနဲ့
ကန္တာရလို့ခေါ်ရမယ့် လူလယ်ခေါင်မှာ
မြေမြုပ်ဗုံးကို ရုတ်တရက် တက်နင်းမိလိုက်တယ်
ခြေကုန်လက်ပန်းကျအောင်ငါရပ်နေလည်း
ဒီဗုံးက ရွေ့သွားမှာမဟုတ်မှန်းသိတယ်
မင်းတို့ကောင်တွေ တံလျှပ်ကို ရေမထင်မိစေနဲ့စတဲ့
ခပ်ထက်ထက် ဒီမြေမြုပ်ဗုံးရဲ့ ဆုံးမချက်မှာ
အချစ်ကိုရှာခဲ့ပေမယ့် အပြစ်သာပိုများလာတယ်
နှုတ်ခမ်းတစ်စုံမှာနစ်မွန်းနေတဲ့ဗုံးက
သူ့ကိုယ်သူ မိုက်ဘက်ကိုပါနေမှန်းမသိသေးဘူး
ငါခေါ်မိလို့ လိုက်လာတဲ့သူတွေရဲ့
ခြေအောက်တိုင်းဆီ ဒီမြေမြုပ်ဗုံးက ရုတ်တရက်
ပွားတက်သွားတာကို ငါနဲ့မဆိုင်ဘူးလို့
ငါစိတ်ချလက်ချနေခွင့် မရှိတော့ဘူး
သူတို့က ကမ္ဘာပေါ်က မြန်မာတွေ
ခရိယာန်ပါတယ် အစ္စလာမ်ပါဝင်ခဲ့တယ်
ဘီလူးလက်ထဲ ၀ရဇိန်ထည့်ခိုင်းခဲ့မိတယ်
“မနာလိုတာပါ” တစ်ခွန်းတည်းသာ ရမယ့်
ဒီမြေမြုပ်ဗုံးဖယ်ရှားရေး လုပ်ငန်းစဉ်မှာ
ငါ အရမ်းအားကိုးရာမဲ့နေခဲ့ပြီ
ငွေတစ်သိန်းရတယ် ငွေနှစ်သိန်းရတယ်ဆိုတိုင်း
ငါ့ရင်တစ်ခုလုံး ပူလောင်နာကျင်တယ်။
ငါ လမ်းပျောက်နေတဲ့ အကျဉ်းသားတစ်ဦး
မကြာသေးချိန်က မထင်မှတ်ပဲ ဖြစ်နေခဲ့ရပါပြီ။

Tuesday, August 18, 2009

မျက်နှာဖုံး

စိတ်မကောင်းပါဘူး သူငယ်ချင်းလေးရယ်
ငါ့မျက်နှာဖုံးကို မင်းလှပ်ကြည့်လိုက်တဲ့အခါ
ကံစီမံရာ မလွန်ဆန်နိုင်တဲ့
အ၀ိဇ္ဖာမီးအလောင်ခံ
အလေ့ကျပင်တွေနဲ့ တောရိုင်းတစ်ခု မင်းတွေ့မယ်
ထပ်မံဖုံးထားတဲ့ မျက်နှာဖုံးအောက်မှာ
မြွေပူရာကင်းမှောင့်ခံရတဲ့
ဆေးပြန်သုတ်ထားတဲ့ မျှော်လင့်ချက်တွေအကြောင်း
မဖြစ်စလောက်တွေကို
တစ်ခုပြီးတစ်ခု လက်တည့်စမ်းနေတဲ့
အနာဂတ်မေ့ရောဂါသည်အကြောင်း
မျှဝေသူမဲ့ရာသီမှာ
အမြဲတမ်းမိုးတစက်စက်
အပြင်ထွက်ဖို့ခက်တဲ့ ဗလာအကြောင်း
အပျင်းပြေဆိုတဲ့ ရည်မှန်းချက်ကြီးနဲ့
ဘာသင်တန်းညာသင်တန်းဆိုပြီး
သင်တန်းစုံထပ်နေတဲ့ ခြေသလုံးကြွက်သားအကြောင်း
ပန်းပုထုလို့မရ ထင်းစိုက်လို့မရတဲံ
ဝင်သက်ထွက်သက်ရှိ သစ်ဆွေးတုံးအကြောင်း
ဘ၀ကပေးတာတွေလည်းမရ
ဘ၀က မပေးတာတွေလည်းမရ
ရေချိန်မကိုက်ဘဲ ယိမ်းထိုးမူးအန်ပြရတဲ့
အလိုလိုအဓိပတိဖွားတွေအကြောင်း
နေရောင်နဲ့ထိရင် ပုပ်ပွမယ့် အသားအရေနဲ့
လွတ်လပ်မှုအတွက် ထုတ်ပြရတဲ့ အစွယ်အကြောင်း
မရေရာမှုနဲ့ ခုတ်ထစ်ထားတဲ့
လမ်းလွှဲလိုက် အရိပ်မဲ့
ပွင့်ပွင့်လင်းလင်းပြောဖို့ခက်တဲ့ ဝေဒနာတွေအကြောင်း
မင်းဆက်မသိတာ ကောင်းတယ် သူငယ်ချင်း။

သူငယ်ချင်းတစ်ယောက်နဲ့ တွေ့ဆုံခြင်း

ရိုးအလွန်းတဲ့ လမ်းမတွေကြောင့်
ကျွန်တော့်မြို့လေး ကျကျန်ရစ်ခဲ့
သိပ်တော်ပြီး ရိုကျိုးတတ်သူနဲ့ ဆွေးနွေးတဲ့အခါ
တိမ်တွေဟာ အနေရခက်ငုပ်လျှိုး
ကိုယ်ကျင့်တရား မကောင်းတဲ့ရာသီမှာ
ပွင့်တဲ့ပန်းက ရာဇ၀င်တွင်ရစ်ချင်တယ်လို့
သွေးဆိုးနဲ့ ခြယ်သထားတဲ့ ကမ္ဘာကြီးက
အမှန်တရားကင်းမဲ့စွာ အသက်ရှင်
ကျွန်တော်တစ်ယောက်တည်း မှားနေပြန်ပြီ
မိုးကောင်းကင်က နိမ့်နိမ့်လေးပါလားလို့
သူ့ကိုယ်သူ တွေ့ရှိချိန်မှာ
အ၀ီဝိက သူ့ရင်ဘတ်ကို ဆက်ဆက်ဖွင့်
နာရီတွေ ချိုးဖျက်သွားတဲ့ မိုင်တိုင်တွေအားလုံး
ကလေး လုလင် ကုန်သည် ယောဂီတစ်ဦးဦး
ကမ်းခွာခံရတဲ့ ရေနဲ့ ကုန်းအစပ်လေးပါဘဲ
ဒါပေမယ့်
သေငယ်စောနဲ့ မျှောနေတဲ့ မျက်နှာကြက်လေးဟာ
နောက်ဆုံးထွက်သက်အထိ ကြမ်းပြင်ကို အုပ်မိုး
တယုတယအခြွေခံရတဲ့
ပွင့်ကြွေတွေကလွဲရင် အားလုံးပျော်နေကြမှာပဲ
အမှောင်ထဲက ဂျေဂျူဝိုင်တစ်ယောက်ကသာ...။

နှင်းဆီတေလေ

ငွေဆိုတာ ရှာတတ်ရင်
လွယ်လွယ်လေးတဲ့လား
ပြောပေါ့ကွာ
ဒီကား ဒီဆိုင်ကယ်တွေနောက်
မင်းဘယ်နှစ်နှစ်များ
အခန့်သား ထိုင်လိုက်သွားနိုင်မှာလဲ
ရုပ်ရှင်းမင်းသမီးနာမည်တွေနဲ့
မင်းသူငယ်ချင်းတွေနောက် လိုက်မသွားခင်
နံရံထက်မှာ မင်းကိုယ်တိုင်ချိတ်ထားတဲ့
မင်းအမေရဲ့ ဓာတ်ပုံလေး
တစ်ချက်လောက် ကြည့်ခဲ့ပါလား
နှင်းဆီအရောင်က
ပြာနှမ်းနှမ်းကြီးပါကွာ
ငါတို့လမ်းပေါ်မှာ
မင်းနာမည် ကျကွဲသံတွေ
ငါ ထပ်မကြားချင်တော့ဘူး
ဘ၀တိုတိုလေးမှာ
မင်းရဲ့ယစ်မူးအနမ်းလေးလည်း
တိုတိုလေးပဲ ရိုစီရဲ့
စမ်းကြည့်ပေါ့လေ
ကံထမ်းလာတယ်ဆိုတာမျိုးက
မြင်ရတာမှ မဟုတ်တာ
ဒီငရုတ်သီးတွေထဲမှာ
တစ်တောင့်တစ်လေတော့
မင်းအတွက် ချိုကောင်းချိုနေမှာပါ

မန္တလေးရှုခင်း

နွေရောက်ရင် မီးထဲခုန်ဆင်းပြီး
ဆောင်းမှာ အေးရိပ်ခဏခိုတတ်တဲ့
မြို့လေးဟာ
မိုးမှာ တစ်ခါခါ ရေအကြာကြီးချိုး တတ်ပြန်တယ်။
မနက် မနက် သိပ္ပံလမ်းနှင့် ၇၈ လမ်းမပေါ်
စက်ဘီးလှိုင်းလုံးကြီး လမ်းမလျှံကျမတတ် စီးဝင်လာပြီဆိုရင်
မြို့လေးဟာ
အိပ်ယာပေါ်ကထဖို့ ပျင်းကြောဆန့်တယ်
ဘုရားကြီးအရှေ့မုဒ် ၈၄ လမ်းနှင့် လမ်းမကြီးတစ်လျှောက်
ကားတွေ ဆိုင်ကယ်တွေ စက်ဘီးတွေ ရှုပ်ပြီဆိုရင်
မြိ့လေးဟာ
လိုချင်တဲ့အရုပ်ရတဲ့ကလေးလို ပြုံးတယ်
ကျုံးဘေးကို ဖြတ်မိသူ ဘယ်သူမဆို
မြို့လေးဟာ
ဘာနဲ့မှ မတူတဲ့ကြည်နူးမှုကို ပေးတယ်
နန်းစိုက်ခဲ့ရာမို့ ၀တ်စားဆင်ယင်မှုတွေယဉ်ကျေး
မြို့လေးဟာ
ရိုးရိုးလေးနဲ့ တော်ဝင်ထိုက်တယ်
ရွှေကျောင်းကြီး မန်းတောင်တော် ရှေးဘုရားတွေရှိတဲ့
မြို့လေးဟာ
ကမ္ဘာကြီးကိုလည်း ညှို့တယ်
၂၂ လမ်းထိပ်မြစ်ကမ်းရယ် ဧရာဝတီမြစ်ပြင်ရယ်
မင်းကွန်းတောင်ရိုးအောက် လျိုးဝင်သွားတဲ့ နေမင်းရဲ့မြင်ကွင်းနဲ့
မြို့လေးဟာ
ရိုးတွင်းချင်ဆီထိတဲ့ အလှကိုပိုင်တယ်
ရင်ငွေ့လှုံ မဟာမုနိနှင့် စေတီပုထိုးများမှာ
မြို့လေးဟာ
ပွဲတော်တစ်ခုပုံစံနဲ့ အမြဲစည်ကားတယ်
လမ်းတိုင်း ရပ်ကွက်တိုင်းမှာ ဓမ္မာရုံနဲ့
မြို့လေးဟာ
ဆွမ်းလောင်းအသင်း ၀တ်အသင်းနဲ့ ပြည့်စုံတယ်
ပတ်ဒူး စလွယ်သိမ်း မဟာနွယ်ဆိုပြီး
မြို့လေးဟာ
ညနေခင်းဆို ခြင်းဝိုင်းမှာ အပန်းဖြေတယ်
ဆောင်းရောက်လို့ ဇာတ်ပွဲတွေရှိပြီဆိုရင်
မြို့လေးဟာ
ဇာတ်စင်ရှေ့က မထစတမ်းပွဲကြည့်တယ်
ပလာစာ အင်တာနက်ကဖီးတွေနဲ့
မြို့လေးဟာ
ဂလိုဘယ်လိုက်ဇေးရှင်းနဲ့အညီလည်းပြေးတယ်

အသံတိတ်တီးလုံးများ

လေးဖြူရဲ့သီချင်းဟောင်းကို နားထောင်ရင်း
စီးကရက်ကို ခပ်ပြင်းပြင်းရှိုက်ဖွာရင်း
မောက်စ်ဝီးလ်လေးကို လိမ့်ဆင်းရင်း
ငါ မောင်ချောနွယ်၊ အောင်ချိမ့်နှင့် အောင်ဝေးတို့ရဲ့
ကဗျာတွေကို အသစ်လို ဖတ်နေတယ်
ငါ့ရင်ထဲ ပြည့်နေတဲ့ မင်းအကြောင်းတွေကို
ခလုတ်လေးတစ်ခုနှိပ်ပြီး ဖျက်ပစ်လိုက်လို့ရရင်
အကောင်းသား ဒါပေမယ့် အခု
မင်းနာမည်ပဲ Screen အပြည့် ရေးမိတယ်။
မင်းနဲ့ငါနဲ့ နေ့လည်ခင်းက
တဖြည်းဖြည်းမှောင်လာတာကလွဲလို့
အသစ်စက်စက် အိပ်မက်ကို
လှုပ်နှိုးပစ်လိုက်ရတာကလွဲလို့
င့ါအ၀ိဇ္ဇာချည်တိုင်မှာ
မင်းအပြုံးတွေ အမြဲသစ်လွင်နေတာကလွဲလို့
အသိရခက်တဲ့ အကြည့်နက်နက်တွေထဲ
မင်းရဲ့နားလည်မှုကို ငါနားမလည်ခဲ့ဘူး
ငါ့ရဲ့နားလည်မှုကို မင်းနားမလည်ခဲ့ဘူး
ဒါနဲ့ အဲဒီမေ့မရတဲ့ အချစ်ထဲ
ငါ့တစ်ယောက်တည်း ငုတ်တုတ်ထိုင်ကျန်ရစ်ခဲ့။