Copyrights @ Journal 2014 - Designed By Templateism - SEO Plugin by MyBloggerLab

Tuesday, September 5, 2017

အချစ်=သေမင်းတမန်



မင်းမြင်ခဲ့တဲ့ အရိပ်မည်းဟာ
ကဗျာဆရာတွေ မင်းမိဘတွေ
ဖွဲ့နွဲ့ခဲ့တဲ့ အချစ်ကဗျာပေါ့ ညီမငယ်
မင်းနှလုံးသား မင်းမျက်ဝန်း
ဘာအစွန်းအထင်းမှ မရှိခဲ့ပါဘူး
အခုဆို
ရေကန်ထဲကို ရေမရောက်တာ
ဖုန်းအားကုန်လို့ အားထထသွင်းရတာ
ဒါမှမဟုတ် မင်းအိမ်မှုကိစ္စတစ်ခုခုပေါ့
မင်းလုပ်စရာ မလိုတော့ဘူး
ဘာဆိုဘာမှပေါ့ ညီမငယ်
ဒါပေမယ့်
ညီမငယ်ရယ်
မင်း ဆိုကရေးတီးမှ မဟုတ်တာကွယ်။

စုစုထွေးသို့

Saturday, February 25, 2017

ကလေးပုံပြင်




အမှောင်က ရေဆုံးမိုးဆုံး
ဆုံးမထားတဲ့ ဆိုစကားတွေကို ချခွဲ
ခွဲခြားဆက်ဆံခံရတဲ့ ဘဝရယ်
ရယ်မရ ငိုမရ အနာတရရယ်
ရယ်သံ ငိုသံ သနားသံ လှောင်သံ
သံဆူးကြိုး ကန်သန်း ဆူးငြောင့်များ
များများစားစား တောင်မလို
လိုအပ်ချက်ကို လိုသလို ဆွဲ၍လိုအပ်
အပ်ကျတာကမှအစ ပြဿနာ
နာတတ်မယ်ဆိုတာတောင် နာမရ
ရလာတဲ့ ရစရာတွေက တခုမှ မလို
လိုရမယ်ရ သိမ်းထားမိတာဆိုလို့ ဒဏ်ရာပဲရှိ
ရှိသမျှ ဒါအကုန်ပါပဲခင်ဗျာ
"ဗျာ"