ဓာတ်ပုံ အဟောင်းတွေ
ခင်မင်မှု အဟောင်း
ချစ်ခဲ့ခြင်းတွေ အဟောင်းနဲ့အတူ
အလွမ်း အယ်လ်ဘမ်တစ်ခုလုံး ထွက်ကျလာတယ်။
ငါတို့မှာ ဘာရှိမတုန်း
ငါတို့မှာ ဘာရှိလိမ့်မတုန်း
ငါတို့မှာ ငါတို့တွေ ဆိုတာ
ဘယ်လိုမှ ရှာဖွေလို့ ဘယ်ရှိခဲ့မတုန်းကွယ်။
ငါတို့ မျက်ရည်တွေဆိုတာ
ငါတို့ ရယ်မောဖို့အတွက်ပဲပေါ့
ငါတို့ ရယ်မောကြတဲ့အခါ
မျက်ရည်တွေတောင် ကျခဲ့ရတယ်။
တစ်ခုခုဆိုခဲ့ရင်တောင်
ဓာတ်ပုံတစ်ပုံဆိုခဲ့ရင်တောင်
ငါတို့ စတေးတပ်တွေနဲ့
တပါးသူကို စိတ်ဒုက္ခမပေးဘူး။
ငါတို့ မုန်းခဲ့ကြသေးသလား
ငါတို့ မုန်းဖို့ အချိန်ရှိခဲ့ရဲ့လား
ငါတို့ မုန်းခဲ့မယ်ဆိုရင်တောင်
ငါတို့ မာနကင်းခဲ့ကြသေးတယ်။
ငါတို့ သိပ်မမှတ်မိတော့တဲ့
ငါတို့ ပျော်ရွှင်ခဲ့ကြခြင်းတွေ
ငါတို့ကို နင်းပြီး ဖြတ်လျှောက်သွားပေါ့
ရင်ဘတ်မှာ ခွင့်လွတ်ခြင်းဒဏ်ရာတွေ။
ဘဝတစ်ပါးက သူငယ်ချင်းတွေ
ဘဝမခြားတဲ့ သူငယ်ချင်းတွေ
ဘယ်မှ မသွားတဲ့ သူငယ်ချင်းတွေ
ဖြစ်ရပ်တွေ ခြားနားခဲ့ကြတယ်။
ဓာတ်ပုံ အဟောင်းတွေ
ခင်မင်မှု အဟောင်း
လွမ်းခဲ့ခြင်းတွေ အဟောင်းနဲ့အတူ
ချစ်ခြင်း အယ်လ်ဘမ်တစ်ခုလုံး
ငါတို့ ဘာလို့ လွင့်ပစ်မိခဲ့ကြပါလိမ့်။
ဂျေဂျူဝိုင်
