Copyrights @ Journal 2014 - Designed By Templateism - SEO Plugin by MyBloggerLab

Wednesday, December 16, 2009

နောက်ဆုံးတော့ မင်းထားခဲ့မှာပါ

Share
(၁)

ငါ့ရဲ့
ပထမအမှားက
လူဖြစ်လာတဲ့အမှား
ဒုတိယအမှားက
လူလိုခံစားတတ်တဲ့အမှား
တတိယအမှားက
ရူးသွပ်မှုကို တံခါးခေါက်မိတဲ့အမှား။

(၂)

သူငယ်ချင်းတွေနဲ့
“ဘ၀” ဆိုတဲ့အကြောင်း မဆွေးနွေးရဲဘူး
ချည်နှောင်တတ်တဲ့ ကြိုးအကြောင်း မဖွင့်ဟရဲဘူး
ဒါတွေက
ရိုက်ကွင်းထဲကလို ကဒ်လို့အော်ရုံနဲ့ မပြီးကြောင်း
စိတ်ကစားလို့ မှားသွားတာပါလို့ တောင်းပန်မရကြောင်း
ရှိုက်ကြီးတငင် ငိုကြွေးဖို့ အကြွေးဝယ်တာဆိုတဲ့အကြောင်း
ပုံပြင်းလေးကတော့ ဒါပါပဲလို့ ပြောရုံနဲ့ မပြီးဘူးဆိုတဲ့အကြောင်း
နေဦး နေဦး
အသက်ကို အရှက်နဲ့ လဲရဦးမယ့်အကြောင်းထိလည်းဖြစ်နိုင်တယ်။


(၃)

ငါလည်း ခံစားတတ်တာပါပဲ
ချစ်သူနှုတ်ခမ်းနုနုဆီ
သူ့အကြောင်းကိုရွှေရည်လောင်းရင်း
လေကလေးချွန်ပြီး အေးအေးဆေးဆေး ပြန်ခဲ့ချင်တာပေါ့။


(၄)

မိထားတဲ့ထောင်ချောက်ကနေ
စိတ်ကို ခဏငှါးပြီးနေရပေမယ့်
ပြန်ရုန်းထွက်ရမှာ ကြောက်တယ်
ကြောက်တာတွေကို စုလိုက်ရင်
မင်းမချစ်တော့မှာကစလို့
ငါ့အကြောင်း မင်းအစအဆုံးသိသွားရင်မှာ ဆုံးတယ်
အဆုံးသတ်မှာ ကြောက်စရာကောင်းပေမယ့်
ကြောင်လက်ထဲက ကြွက်လိုပဲ နေချင်တယ်
အမြစ်မရှိဘဲ သစ်ပင်တစ်ပင်
ရှင်သန်ပြရတဲ့ဘ၀က ပင်ပန်းလှတယ်

(၅)

နောက်ဆုံးတော့ မင်းငါ့ကို ထားခဲ့မှာပါ။
ဒီအမှန်တရားကိုတော့
ငါက ဘုရားသခင်ထက် ပိုသိပြီးသား။