Sunday, November 6, 2016

ပုပ်သိုးသွားတဲ့ အရွယ်

မရေရာတဲ့ နေ့တွေက ဆယ်နှစ်ရာသီ
ကြွေနေတဲ့ အနာဂတ်တွေက ကောင်းကင်တစ်ခု
ဟုတ်ပါသလားလို့ ပြန်မကြည့်တတ်သူများရဲ့
အားမလို အားမရ ပြန်လည်ပြစ်တင်သံများ
တွတ်တီးတွတ်တာ ဂုဏ်ယူသံများ
ထင်ယောင်ထင်မှား မျက်နှာများ
မသေမချာ ဘွဲ့တံဆိပ်များ
ကိုယ်က အထင်ကြီးရင်းစွဲမို့
ကိုယ့် ရင့်အိုခြင်းကို လက်ဆောင်ပေးခဲ့တယ်
ကိုယ့်ငြီးငွေ့မှုက
ကျောယားသလို ကုတ်ပြီးဖြေဖျောက်လို့မရ
ဒီလိုနဲ့
မုန်းစရာတွေကို ချစ်ကြောင်းပြောပြီး
လွမ်းပြနေလိုက်တော့တယ်။