Wednesday, October 14, 2009

အရူး

Wednesday, October 14, 2009 Posted by ဂျေဂျူဝိုင်
သီချင်းတစ်ပုဒ်ထဲက
“အချစ်က ဘာမှအရေးမကြီးဘူး” စာသားကို
ခင်ဗျားနားစွန်းနားဖျား ကြားဖူးမယ်မှန်း
ကျွန်တော်သိတယ်
ဒါပေမယ့် အဲဒီသီချင်းအတိုင်း
ခင်ဗျားလိုက်နာကျင့်ကြံမယ်မှန်းလည်း
ကျွန်တော်သိပါတယ်
ကျွန်တော့်နှလုံးရောဂါကို ကုပေးပြီး
ကျွန်တော့်နှလုံးရေးရာကို မသိလိုက်တဲ့
ဆရာဝန်မမရယ်
“ဆေးလိပ်သောက်တတ်သလား” ခင်ဗျားအမေးကို
“အရင်က သောက်တယ်
အခု ခင်ဗျားကို ချစ်မိလို့ မသောက်တော့ဘူး”လို့
ဖြေချင်ခဲ့တယ်
ဆရာဝန်မမရေ
ကျွန်တော် ခင်ဗျားကိုချစ်တယ်
ကျွန်တော် ခင်ဗျားကို ခြေသုတ်ပုဆိုးလိုချစ်တယ်
ကျွန်တော် ခင်ဗျားကို မြွေစွယ်ကျိုးလိုချစ်တယ်
ပြီးတော့
ခင်ဗျားဟာ ကျွန်တော့်ရဲ့ ကိုယ်ငွေ့နွေးနွေးလေးဖြစ်တယ်
ခင်ဗျားဟာ ကျွန်တော့်ရဲ့ ရင်ခုန်သံ နှေးနှေးလေးဖြစ်တယ်
ခင်ဗျားဟာ ကျွန်တော့်ရဲ့ ခိုင်မြဲတဲ့ နံရိုးတစ်ချောင်းဖြစ်တယ်
ခင်ဗျာဟာ ကျွန်တော့်ရဲ့ ပျော်ဆုံးနေတဲ့ ကိုယ်တစ်ခြမ်းဖြစ်တယ်
ခင်ဗျားဟာ ကျွန်တော့်ရဲ့ လေ့လွင့်စိတ် ဦးတည်ရာဖြစ်တယ်
ခင်ဗျားဟာ ကျွန်တော့်ရဲ့ အကုသိုလ်စိတ် သန့်စင်ရာဖြစ်တယ်
နားကြပ်ချိတ်ထားတဲ့ လည်တိုင်ကစလို့
ခင်ဗျားကို ကျွန်တော် ချစ်မိတဲ့အကြောင်း
ဟောဒီကဗျာက အပြည့်အစုံ ဖော်မပြနိုင်ဘူး
လက်သီးဆုတ်မျှသာရှိတဲ့ နှလုံးရဲ့
ခေတ္တရူးသွပ်မှုကို
တစ်သက်စာ ခန္ဓာကိုယ်က မလိုက်ကြောင်း
စာတန်းပြုစုပြီး ဘွဲ့လွန်တွေ ထပ်ယူလိုက်ပါ
ခင်ဗျားကိုယ်နှိုက်ကလည်း
ဘက်တီးရီးယားပိုးတွေ ပေပွနေတဲ့လက်နဲ့
ခင်ဗျားနှလုံးသားကို
ဘယ်ချွေးသိပ်ခံချင်ပါ့မလဲ
တရားမျှတပါတယ်
ရွှံ့တွေနဲ့ နင်းကွက်မရှိတဲ့ ကျွန်တော့်ဘ၀ဲ
ခင်ဗျားရဲ့ ရွှေရည်စိမ်ဂုဏ်ထူးတွေ
ဘယ်နစ်မွန်းခံချင်ပ့ါမလဲ
ခင်ဗျားတရားမျှတပါတယ်
ရှုမိရင် ရှိုက်မသွင်းရဲတဲ့
ကျွန်တော့်ငယ်စဉ်တောင်ကျေးကို
ခင်ဗျားရွံရှာနေမယ်ဆိုရင်လည်း
ခင်ဗျားတရားမျှတပါတယ်
ခင်ဗျားတို့ လောကနဲ့ နှိုင်းစာရင်
အမှိုက်တစ်စလို ဟောဒီဂျစ်ပစီရဲ့
ခင်ဗျားအတွက် စပ်ဆိုတဲ့ ဒီကဗျာကို
ခင်ဗျား ဘယ်လိုမှ ဖတ်မိမှာမဟုတ်လည်း
ခင်ဗျား တရားမျှတပါတယ်
ဆယ်ပြားသာ ထိုက်တန်တဲ့ လူသားအတွက်
တစ်မတ်ကောက်ရခဲ့လည်း
ဆယ့်ငါးပြားကျပျောက်ရမှာပဲ မဟုတ်လား
နေနဲ့ ကမ္ဘာရဲ့ တစ်ဘက်ခြမ်းမှာရှိမှ
လ,ဟာ ပြည့်ပြည့်ဝန်းဝန်းသာနိုင်မှာမို့လို့
ခင်ဗျားနဲ့ ဝေးရာမှာပဲ ကျွန်တော်နေပါ့မယ်
ခံစားနေရတာတွေအတွက်လည်း
တစ်ခါက သူတပါးအသည်းကို
အလဟဿခွဲဖူးလေသောကြောင့်တည်းလို့
ကြိတ်မှိတ်ဖြေသိမ့်ပါမယ်
နွေမိုးဆောင်း စက္ကန့်လိုမြန်အောင်
လှနိုင်ရက်လွန်းပါပေတဲ့
ထင်းထင်းပေါ်မျက်ရစ်ကလေး
ဖွေးဖွေးနုနားရွက်လေး
နှစ်ထပ်နှုတ်ခမ်းထူထူလေး
ကျောဘက်ချစည်းထားတဲ့ ဆံစုလေးဆီ
xxxxx ဆိုတဲ့ ဖုန်းနံပါတ်ကို
မဆက်ရလည်း ဘာမှ မဖြစ်ဟန်နေတော့မယ်
လက်ဟန်ခြေဟန်နဲ့ နဖူးက ဆံနွယ်လေးကို ဆွဲဆွဲပြီး
ဖုန်းကိုင်တတ်တဲ့ ခင်ဗျားကို
စိတ်ထဲကြွယ်ဝစွာ
မြတ်မြတ်နိုးနိုးပိုင်ဆိုင်နေတော့မယ်။