အဆုံးမှာ အစမှာ အလယ်အလတ်မှာ
ကြယ်တစ်ချို့ကို မာယာနဲ့လာမျှားပြီး
လကို သမ္မာကျမ်းစာတွေနဲ့ လာစားတယ်
ခဏတော့
လောကဟာ အိုင်စတိုင်းဆံပင်ပုံစံနဲ့
လေပြေတွေမှာ ၀င်ရောက်ဖြားယောင်းတယ်
မျှော်မြင်သိပညာရှင်တွေ ဆင်ခြင်သိပညာရှင်တွေ
လမ်းမပေါ် သူတို့ပညာကို ချပြတယ်
အင်္ကျီသစ်ကိုဝတ်ပြီး ဖုန်ခါတယ်
အ၀တ်အစုတ်တွေနဲ့ ဘ၀ကို ဖုန်လာသုတ်ပေးတယ်
ရောင်ပြန်ဟပ်မှုတွေက များလွန်းလေတော့
ကောင်းကင်ဟာ သူ့ကိုသူ ပြာဖို့မေ့သွားတယ်
အခိုက်အတန့်လေးပါပဲ
တစ်ဝက်တိတိမှာ ရပ်နေရာကနေ
ပန်းတွေ ဆက်လက်ပွင့်တယ်
ဆက်လက်ဆက်လက်ပွင့်တယ်
လေပြေဟာ လန်းဆန်းလာတယ်
ပန်းရနံ့တွေဟာ လန်းဆန်းလာတယ်
သိမ်သိမ်မွေ့မွေ့နူးနူးညံ့ညံ့လန်းဆန်းလာတယ်
ကြည်လင်မှုတွေဟာ တဖြည်းဖြည်းတောက်ပလာတယ်
လူနှစ်ယောက်ရဲ့ နှလုံးသွေးထဲ
ပွင့်နေသော ပန်းများ
မွှေးပျံ့နေသော ရနံ့များ
ကြည်လင်နေသော အလင်းများ
ဖြည်းဖြည်းချင်းစီ ဖြည်းဖြည်းချင်းစီ
ကျေးဇူးတော်များနှင့်အတူ
လက်ချင်းချိတ်ပြီး ၀င်လာကြတယ်
အဖိုးအန ဂ္ဃထိုက်တဲ့
ရယ်သံလေးတွေ ကြည်နူးသံလေးတွေ
ကောင်းကင်ရဲ့ကျောကုန်းမှာ မျက်နှာလေးအပ်ပြီးခိုစီး
ကမ္ဘာကြီးတစ်ခုလုံး အနမ်းနဲ့လင်းဖြာသွားတယ်။