ချမ်းသာကိုယ်စိတ် မြဲစေသောဝ်

ပြဿနာပဲ
ငါ မသိတဲ့ငါ့ကို
မျက်နှာဘယ်လိုရှိလဲ
ဆံပင်ပုံစံဘယ်လိုထားလဲ
ဘယ်လိုဝတ်စားလဲ
ခြေသည်းလက်သည်းပုံမှန်ညှပ်ရဲ့လား
ငါစိတ်မ၀င်စားဖူးတဲ့ငါ့ကို
လာလာမေးကြတယ်
ငါနဲ့ပတ်သက်ရင် ဘာသိကြလဲ
နည်းနည်းလောက် လက်တို့ကြည့်တယ်
သိ မသိကို မသိက မသိ
သိ မသိကို သိက သိ
စတဲ့ ဂါထာတွေမန်းမှုတ်ကြတယ်
ဒီလိုနဲ့ ကိုယ့်အတ္တကို ထိပါးမှာစိုး
ကိုယ့်မာနကို တိုက်စားမှာစိုး
တိမ်အသင့်အတင့်ဖြစ်ထွန်းရုံနဲ့
မလိုအပ်တဲ့မိုးတွေ မလိုအပ်ပဲရွာတယ်
ဘာမြူဒါအကြောင်း သိရင် ...“သြော်”...
အမေဇုံတောလျှို့ဝှက်ချက်သိရင် ...“သြော်”...
လူမရောက်တဲ့ပင်လယ်အောက်အကြောင်းသိရင် ...“သြော်”...
အမေရိကန်က စစ်ကြေငြာရင် ...“သြော်”...
ဘင်လာဒင်ကို ဖမ်းမိရင် ...“သြော်”...
...“သြော်”... ဘာများလဲလို့
အဲဒီအထူးအဆန်းကို
ငါက အထူးအဆန်းမှတ်နေတာဆိုပြီး
...“သြော်”... ဘာမှလည်းဟုတ်ဘူး တဲ့
ကိုယ့်ကိုများ
အပ်ဖျားတစ်ထောက်စာ လာစော်ကားရင်
နှမ်းတစ်စေ့စာ အပေါ်ရောက်သွားရင်
“ဘာကွ”
ဘယ်မလဲ ဓား ဘယ်မလဲစကား
သဲကိုးဖြာလား မန်ကျည်းကိုးပင်လား
ကုန်းချောရမလား သွေးထိုးရမလား
ဒီလို
ငါ့ရဲ့ ဝေသာလီပုဏ္ဏားလေးတွေ
နှစ်နှစ်လီလေး လေးနှစ်လီရှစ်
ရှစ်နှစ်လီဆယ့်ခြောက်နဲ့
အဆိပ်များများသောက်ထားကြ
သူတို့ကို
ဒီအရပ်က တောင်၊ ဒီအရပ်ကမြောက်လို့
အိမ်မြှောင်ထောက်ပြလို့တော့
အော် ဒီအရူးနှယ်
မိုးကြိုးကို ထန်းလက်နဲ့ကာတယ်လို့ ပြောမယ်
ကဲ ငါ့ကိုယ်ငါ စိတ်ဝင်စားစား မစားစား
ခုချိန်ကစပြီး
ဇာတိခေတ်ပြိုင်ကွင်းမှာ
စကားတွေ ဓားတွေအစား
ယောနိသော မနသိကာရကို စိတ်ဝင်စားမယ်
လက်ရှိအနေအထားကိုပြောရရင်
လောလောဆယ်ပို့နေတဲ့ မေတ္တာတော့ခါးတယ်
အမှန်တရားတွေ ပါဝင်လို့။

15.3.2010 10:10 AM