ဘာမှဖီးလိမ်းပြင်ဆင်မထားတဲ့
ရွက်ကြမ်းရေကြိုအပျိုစင်ညတစ်ခုမှာ
မြို့ကြီးတစ်မြို့ရဲ့ တိုက်ခန်းတစ်ခုထဲက
ပြတင်းပေါက်လေးမှာ မေးထောက်ပြီး
ငေးနေတဲ့ ကောင်မလေးတစ်ယောက်ရဲ့ မြင်ကွင်းတည့်တည့်
မျက်ခွံကို သာမန်လေး ပင့်တင်လိုက်ချိန်
မထင်မရှား ကြယ်လေးတစ်ပွင့် ခိုးကြွေတယ်
ချက်ချင်း
ချက်ချင်းထက်မြန်တဲ့ ချက်ချင်း
အဲဒီထက်ပိုမြန်တဲ့ ချက်ချင်း
ကြယ်တစ်ပွင့် ကြွေချိန်အတွင်း
ရစရာတွေမရနိုင်တဲ့ ဘ၀
ဖြစ်ချင်တာတွေ မဖြစ်နိုင်တဲ့ဘ၀
မသင်ယူလို့ မတတ်မြောက်ခဲ့တာ မဟုတ်
အခြေခံသဘောတရားကိုတောင်နားမလည်နိုင်တဲ့ဘ၀
မကျေနပ်တာတွေကို ရယ်ပြပေးနေရတဲ့ ဘ၀
မရှိဖူးတဲ့ ချစ်သူ အထားခံခဲ့ရသလို ညရဲ့
လွမ်းချင်တာကို မလွမ်းရတဲ့ ဘ၀ထဲက
ဖောင်ဖျက်ရအောင်လည်း ကမ်းမကပ်နိုင်
တိုက်ပွဲဆိုပြန်တော့လည်း ဘာအတွက်မှန်း
ဘယ်သူ့အတွက်မှန်း ဘာကြောင့်မှန်း
လမ်းတွေရှိပေမယ့် သွားလို့မရ
အချိန်က လုံ့လစိုက် လုံ့လစိုက်
အချိန်က အရေးကြီး အရေးကြီး
အမြင့်က တွန်းချမယ် တွန်းချမယ်
အနိမ့်က ဆွဲချမယ် ဆွဲချမယ်နဲ့
ရပ်ထားတဲ့ ခြေတစ်ဖ၀ါးစာမှာ
ဟန်ချက်က ဘ၀ကို ညှိမပေးနိုင်ဘူး
ဖြတ်သန်းခဲ့ရတဲ့ နေ့တွေညတွေက
ရေမရတဲ့ တောင်စဉ်
ရေခမ်းခြောက်တဲ့ အင်းအိုင်
အချစ်၊ အောင်မြင်မှု၊ ပျော်ရွှင်မှုဆိုတာ
ကြားဖူးနားဝ ပုံတိုပတ်စ
မတိုက်ခိုက်ပဲ သိမ်းပိုက်ခွင့် ရတာကလည်း
ဝမ်းနည်းမှု၊ အားငယ်မှု၊ အထီးကျန်ဆန်မှု
ရသင့်တာလေးကို ရှာခဲ့လည်း မရ
ဖြစ်သင့်တာလေးကို လုပ်ခဲ့လည်း မဖြစ်
ဒါကပဲ အနိစ္စလား
ဒါကပဲ ဒုက္ခလား
ဒါကပဲ အနတ္တလား
ဘ၀ပေးကုသိုလ် အဖြစ် ယူလိုက်မယ်
တရားဒေသနာအဖြစ်မှတ်လိုက်တယ်
ချက်ချင်း
ကောင်မလေး ပြတင်းပေါက်က ခွါခဲ့တယ်။
ချစ်စွာသော ညီမလေးငယ်နန့်စန္ဒာထွန်းသို့ အမှတ်တရ ရေးပေးပါတယ်
