ကြေလွယ်ကွဲလွယ် လူအန္ဓတို့ရဲ့ ခံစားမှုတွေ မပေါက်ကွဲခင်
ကဗျာရာဇ၀င်မှာ ဂန္ထ၀င်တွင်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
အောင့်နမ်းနေရတဲ့ လောကဓံ
မှားမိတဲ့ အိပ်မက်ဆိုးကို နှင်မထုတ်မိခင်
ည,လက်ကောက်ဝတ်ကို သွေးဖောက်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
စွန့်စားခန်းအပြန်ယောနသံများ
အားလုံး စွန့်ခဲ့တဲ့ဆယ်စုနှစ်က အတိုင်းမပြောင်းလဲမှန်း မသိခင်
ကြုံးဝါးရူးသွပ်မိုက်မဲဦးမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
ခွေးမြီးကောက်စွပ် ကျဉ်တောက်တွေရဲ့ ၀န်ခံချက်
ဆူနာမိလှိုင်းပန်းမ၀င်ခင်
စိတ်နယ်လွန်မုန်တိုင်းတွေကို စံနက်တံဖြုတ်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
ဂိုးသွင်းအားထက် ဖျက်အားပိုသန်တဲ့ ဘောလုံးသမား
အကောင်းမြင်ဝါဒတွေ သက်လုံမပျက်ခင်
ရူးရူးနှမ်းနှမ်း ဘ၀ဖျက်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
ယစ်မူးဖွယ်အလှကို စုပ်ယူနေသော မျက်လုံးများ
ဣဋ္ဌာရုံအကြည်ဓာတ် အညွန့်မကျိုးခင်
ကျူးလွန်မှုအတွက် ပုထုဇသ်ကို ရိုးမယ်ရှာမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
အတ္တအစွန်းများနဲ့ ရူးသွပ်ကြသူ ကဗျာဆရာများ
ကသောင်းကနင်းဝါဒက မြင်းရိုင်းလို ခွာခုတ် မခံရခင်
ဟန်အသစ်အတွက် ချပ်မိန်ညိုဝတ်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
လူငယ်တို့ရဲ့ ဆယ်ခြောက်နှစ်အလွန် ဘ၀နိဂုံး
လက်တစ်လုံးခြား မျက်ခုံးမွေးပေါ် စကြံမလျှောက်ခင်
ပူစီဖောင်းလို ဘ၀ရဲ့ အဓိပ္ပါယ်ကို သိတယ်ဆိုရုံလေးသိမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
တောင်ပေါ်သားတို့အတွက် မြေပြန့်မြက်ခင်းရိုင်း
သမိုင်းဟောင်းကို သမိုင်းအသစ်အဖြစ် သမိုင်းမစခင်
နှလုံးသားဗဟိုရ်မှာ အမုန်းတရားတွေ အုဋ္ဌ်မြစ်ချမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
ညကိုးနာရီတိုင်းမှာ ဖုန်းထဲကနေ ခပ်လှောင်လှောင်လေးပြောတတ်သူ
အတူပြောခဲ့ဖူးတဲ့ စကားတွေ မင်းရင်ထဲ မှုံဝါးမသွားခင်
အချစ်ကို ကားဝယ်ပေးနိုင်မယ့်လူလောက် အရေးမကြီးပါဘူးပြောမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
မေတ္တာနဲ့ လမ်းခွဲပြီး ဟမ်းဖုန်းနဲ့ ကားနောက် လိုက်တဲ့အချစ်
ဖုံးဖုံးဖိဖိကိစ္စတွေ ဥဒါန်းမကြေခင်
ခန္ဓာနဲ့ အ၀ီစိတိုင် မီဒီယာချဲ့မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
ထီးစွန့်နန်းစွန့် ဘုရင်မရဲ့ ချစ်သစ္စာ
အပျော်ဖတ်ဝတ္ထုလို အဟောင်းဆိုင် အပို့မခံရခင်
ဇောသန်သန် အကုသိုလ်နွံထဲ မနစ်မချင်းဆင်းမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
အားကောင်းမောင်းသန် ချို့တဲ့နေတဲ့ ကျန်းမာရေး
ခေတ်မီဆေးဝါးတွေ အိုနာကျိုးကန်းမဖြစ်ခင်
နောင်တကြိုးအထပ်ထပ်ဖွဲ့ သံဝေဂယူမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
အမျိုးမျိုးမေးပြီး ဗေဒင်ဟောလိုက်တဲ့ဆရာဝန်
နွေဦးမက်မှုံပွင့်တွေ အခေါင်းမပိတ်ခင်
ကင်ဆာဆိုပြီး လူနာမိသားစုကို ဖြိုခွဲမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
အညာဘက် ပြန်စီးဖို့ မေ့နေတဲ့မြစ်
သတိပဌာန်တရား မနာကြားရခင်
ရမ္မက်ရည်အောက်မှာ ကျွန်ခံမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
နေထိုင်မကောင်းသော မဆန့်မီလက်
ဘောင်ဘင်ခတ်အိုး မကွဲခင်
မသူတော်တွေ ကိုယ့်ဂုဏ်ကိုယ်ဖော်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
အကောင်းတီထွင်ပြီး တမြေ့မြေ့ဖျက်ဆီးနေတဲ့ သင်္ခါရ
နိုင်လိုမင်းထက် ငို့ဘတွေ အဟုန်မပြင်းခင်
နောက်နောင်လူသားတွေ အယူသီးစေမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
စဉ်းစားဉာဏ်အရှိဆုံးလူသားများ
ဒါဝင်ဝါဒထဲက အကောင်လို မကျင့်ခင်
မရောင်ရာဆီလူးကြမယ့် ခေါင်းဆောင်တို့တရားနာမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
အလင်းရောင်ရှိရာ အပ်ပျောက်ရှာတဲ့ အဖွားအို
ကောင်းကင်ဘုံဆီသွားရာ လမ်းမပျောက်ခင်
ငှက်ဆိုးခွင့်မလွတ်နိုင်အောင် စောင်းကြိုးညှိမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
စာတတ်မှ လူရာဝင်တယ်လို့ ပြောပြောတဲ့ လူညာတွေ
မာယာနဲ့ သာဌေယျကို စိန်ရွှေလို မထားသိုခင်
မင်းတို့သိပ်ညံ့တာပဲလို့ မန္ထာန်ရွတ်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
စင်္ကြ၀ဠာမယ်ကို အိပ်ခန်းထဲ ခေါ်ခဲ့တဲ့အင်တာနက်
www ကို we were wrong လို့ မဖွင့်ခင်
အနာဂတ်ကို အမြန်ဆုံးအတိတ်ဖြစ်စေမယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
လောကကို ကောင်းကျိုးမပေးတဲ့ ငါ
သံသရာအဆက်ဆက် အပယ်မခံရခင်
ရေးတဲ့ကဗျာနဲ့ ဖတ်သူကို အဆိပ်ခတ်မယ့်
နှုတ်ခမ်းနဲ့ ဖွဖွနမ်းခဲ့ပါလား ချစ်သူရယ်။
(၂၀၀၅ ဇန်န၀ါရီလ) တွင်ရေးဖွယ့်ခဲ့သော